បាល់ទាត់អន្តរជាតិ
Barcelona នឹងឆក់ឱកាសចុះហត្ថលេខាលើខ្សែបម្រើ Ilkay Gundogan
របាយការណ៍ចុងក្រោយមួយបានឲ្យដឹងថា ក្លឹបអ្នកមានបុណ្យ Barcelona នៅតែចិញ្ចឹមចិត្ត និងកំពុងសម្លឹងមើលឱកាសក្នុងការចុះហត្ថលេខាលើតារាឆ្នើមរបស់ក្លឹបមេឃខៀវ Manchester City គឺខ្សែបម្រើ Ilkay Gundogan។
កីឡាករវ័យ 31 ឆ្នាំរូបនេះបានឈានចូលដល់ឆ្នាំចុងក្រោយនៃកុងត្រារបស់គាត់ ជាមួយក្លឹប Manchester City ហើយមិនទាន់មានការពិភាក្សាលើកុងត្រាថ្មីនៅឡើយទេ។ នេះជាសញ្ញាមួយបង្ហាញថា ពេលវេលារបស់ Gundogan នៅ Etihad Stadium នឹងដល់ទីបញ្ចប់។
យ៉ាងណាមិញ Ilkay Gundogan បានចូលរួមជាមួយក្លឹប Manchester City ដោយផ្ទេរពីក្លឹប Borussia Dortmund កាលពីឆ្នាំ 2016 ។ កីឡាករសញ្ជាតិអាឡឺម៉ង់រូបនេះ បានបង្ហាញខ្លួនសរុបសម្រាប់ Manchester City ចំនួន 263 ប្រកួត និងរកបានគ្រាប់បាល់ 51 គ្រាប់។
របាយការណ៍ក្ដៅៗនៅក្នុងប្រទេសអេស្ប៉ាញបានអះអាងថា Barcelona កំពុងរៀបចំផែនការផ្ទេរសម្រាប់ Gundogan ប្រសិនបើគាត់សម្រេចចិត្តចាកចេញពីក្លឹបបច្ចុប្បន្នរបស់ខ្លួននៅរដូវក្តៅឆ្នាំក្រោយ និងមិនចុះហត្ថលេខាលើការបន្តកុងត្រាថ្មីទេនោះ។ ដូចគ្នានេះដែរ Mundo Deportivo ក៏បានលើកឡើងដែរថា Ilkay Gundogan គឺជាជម្រើសមួយសម្រាប់ក្រុមរបស់លោក Xavi Hernandez ខណៈដែលពួកគេនៅតែព្យាយាមស្វែងរកការពង្រឹងនៅជម្រើសខ្សែបម្រើដែលមានគុណភាពសម្រាប់ក្រុម។
ប្រភព: Mirror UK
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
