បាល់ទាត់អន្តរជាតិ
Nuno Mendes នឹងខកខានការប្រកួត World Cup ទាំងអស់ដែលនៅសល់
របាយការណ៍ជាច្រើនកាលពីពេលថ្មីៗចុងក្រោយនេះ បានឲ្យដឹងថា ខ្សែការពាររបស់ក្រុមជម្រើសជាតិព័រទុយហ្គាល់ Nuno Mendes នឹងត្រូវអវត្តមានក្នុងការប្រកួត World Cup ទាំងអស់របស់ខ្លួនដែលនៅសល់។
យ៉ាងណាមិញចាប់តាំងពីត្រូវបានប្រូម៉ូតឲ្យឡើងមកលេងនៅឈុតធំរបស់ Sporting Lisbon កាលពីឆ្នាំ 2020 មក Nuno Mendes បានវិវត្តន៍ខ្លួនយ៉ាងឆាប់រហ័ស និងត្រូវបានគេមើលឃើញថា គាត់គឺជាខ្សែការពារឆ្វេងដ៏ល្អបំផុតម្នាក់នៅក្នុងពិភពបាល់ទាត់។
Nuno Mendes កាន់តែមានទម្រង់លេងល្អទ្វេដងនៅពេលផ្ទេរមកទឹកដីបារាំងជាមួយក្លឹប Paris Saint-Germain កាលពីឆ្នាំ 2021។ ទាំងនេះបាននាំឲ្យកីឡាករវ័យ 20 ឆ្នាំរូបនេះក្លាយជាផ្នែកមួយដ៏សំខាន់នៃក្រុមជម្រើសជាតិព័រទុយហ្គាល់ និងទទួលបានទំនុកចិត្តយ៉ាងខ្លាំងពីលោក Fernando Santos។
ថ្វីត្បិតតែមិនមានវត្តមានក្នុងអំឡុងពេលនៃការប្រកួតបើកឆាកទល់នឹងហ្គាណាក៏ដោយ Nuno Mendes ត្រូវបានក្លាយជាជម្រើសដំបូងក្នុងជំនួបជាមួយអ៊ុយរូហ្គាយកាលពីដើមសប្តាហ៍នេះ។ គួរឲ្យសោកស្ដាយក្នុងការប្រកួតនោះ រូបគេលេងបានត្រឹមតែ 42 នាទីប៉ុណ្ណោះ ហើយក៏ត្រូវប្ដូរចេញដោយសាររបួសភ្លៅ និងបានដើរចេញពីទីលានតែម្ដង។
ទោះបីជាភាពធ្ងន់ធ្ងរនៃរបួសរបស់ Nuno Mendes មិនទាន់ត្រូវបានបញ្ជាក់ដោយសហព័ន្ធបាល់ទាត់របស់ព័រទុយហ្គាល់ក៏ដោយ មានការរាយការណ៍ជាច្រើនបានឲ្យដឹងថា ខ្សែការពារឆ្វេងរូបនេះនឹងមិនអាចលេងបានរហូតដល់ចប់ព្រឹត្តិការណ៍ World Cup នៅកាតាតែម្ដង។ លើសពីនេះទៀត អ្នកកាសែតអ៊ីតាលី Fabrizio Romano ក៏បានបង្ហាញដែរថា Mendes នឹងត្រូវចំណាយពេលដើម្បីជាសះស្បើយពីបញ្ហាភ្លៅរហូតដល់ដើមសប្តាហ៍នៃឆ្នាំ 2023 ឯណោះ។
ប្រភព: Sportsmole
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
