បាល់ទាត់អន្តរជាតិ
Nuno Mendes វិលចូលទីលានហ្វឹកហាត់វិញ ក្រោយខកខានមិនបានលេងសូម្បីមួយប្រកួតនៅរដូវកាលនេះ
ខ្សែការពារ Nuno Mendes របស់ក្លឹបយក្សបារាំង PSG ដែលមិនទាន់បានចូលលេងសូម្បីតែមួយប្រកួត ក្នុងរដូវកាលនេះ គិតចាប់តាំងពីការចាប់ផ្ដើមនៅរដូវកាលនេះមក។ ខ្សែការពារស្លាបរូបនេះ បានជួបប្រទះនឹងរបួសត្រគាកធ្ងន់ធ្ងរ ហើយត្រូវបានអវត្តមានតាំងពីចុងខែមេសា ឆ្នាំមុនមកម្ល៉េះ។
ទោះជាយ៉ាងណា យោងតាមការចុះផ្សាយរបស់ Le Parisien បានឲ្យដឹងថា ខ្សែការពារស្លាបសញ្ជាតិព័រទុយហ្គាល់រូបនេះ មានឱកាសត្រឡប់ចូលទីលានប្រកួតបានវិញ ក្នុងរយៈពេលពីរបីសប្តាហ៍ទៀត។ គាត់អាចនឹងមានលក្ខណៈសម្បត្តិគ្រប់គ្រាន់ក្នុងការប្រកួតជុំទី 23 នៃក្របខណ្ឌ Ligue 1 ទល់នឹង Rennes ថ្ងៃទី 25 ខែកុម្ភៈខាងមុខ។
គួររំលឹកផងដែរថា កាលពីរដូវកាលមុន កីឡាករវ័យ 21 ឆ្នាំរូបនេះបានបង្ហាញខ្លួនចំនួន 32 ប្រកួត ដោយស៊ុតបញ្ចូលទីបាន 2 គ្រាប់ និងបញ្ជូនបាល់ឲ្យមិត្តរួមក្រុមបានចំនួន 7 ដង។ ខ្សែការពារសញ្ជាតិព័រទុយហ្គាល់រូបនេះ ធ្លាប់ជាកីឡាករដ៏សំខាន់របស់ PSG ពិសេសក្នុងអំឡុងពេលដែលមាន Messi និង Neymar Jr នៅទីនោះ។
ប្រភព: Dailysports
Messi បង្កើតកំណត់ត្រាថ្មីនៅលីគកំពូលអាមេរិក MLS
Liverpool ទទួលស្វាគមន៍ក្រុមភ្ញៀវ Tottenham Hotspur នៅម៉ោង 10 យប់នេះ!!!
Xavi រិះគន់ទម្រង់លេងកូនក្រុមរបស់ខ្លួន ក្រោយចាញ់ Girona 4-2
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
