បាល់ទាត់អន្តរជាតិ
Luis Diaz ត្រូវអវត្តមានពីការប្រកួតរហូតដល់ចុងឆ្នាំ ដោយសាររបួសជង្គង់
កីឡាកររបស់ក្លឹបហង្សក្រហម Liverpool នៅរដូវកាលនេះ ហាក់ដូចជាកំពុងស្ថិតក្នុងស្ថានភាពដ៏លំបាក ដោយសារបញ្ហាកីឡាកររបួសជាបន្តបន្ទាប់។ ជាថ្មីម្ដងទៀត ថ្មីៗនេះខ្សែប្រយុទ្ធស្លាប Luis Diaz នឹងត្រូវអវត្តមានពីលើទីលានប្រកួតរហូតដល់ខែធ្នូចុងឆ្នាំនេះ ដោយសាររបួសជង្គង់។
កីឡាករសញ្ជាតិកូឡុំប៊ីរូបនេះបានដើរចេញពីទឹកដី Emirates ដោយប្រើប្រាស់ឈើច្រត់ បន្ទាប់ពីក្លឹបហង្សក្រហមបានចាញ់ក្លឹបកាំភ្លើងធំ Arsenal ក្នុងលទ្ធផល 3-2 កាលពីសប្តាហ៍មុន។ ភ្លាមៗនោះគ្រូបង្វឹកលោក Jurgen Klopp ប្រាប់ថា របួសរបស់ Luis Diaz អាចធ្ងន់ធ្ងរ។
ជាសំណាងល្អ របួសរបស់គាត់មិនធ្ងន់ធ្ងរដែលអាចឈានដល់ការវះកាត់ឡើយ ប៉ុន្តែការបង្ហាញខ្លួនក្នុងព្រឹត្តិការណ៍ World Cup របស់គាត់ជាមួយក្រុមជម្រើសជាតិកូឡុំប៊ី កំពុងស្ថិតក្នុងការសង្ស័យ។ ទន្ទឹមនឹងនេះ Luis Diaz នឹងខកខានការចូលលេង 10 ប្រកួតបន្តបន្ទាប់របស់ Liverpool គិតចាប់ពីថ្ងៃនេះទៅ។
រដូវកាលនេះ គឺជារដូវកាលដ៏យ៉ាប់យ៉ឺនមួយរបស់ក្រុមលោក Jurgen Klopp ដែលកីឡាករជាច្រើនរបស់គាត់កំពុងរងរបួស ហើយបច្ចុប្បន្នពួកគេស្ទើរតែបាត់បង់ក្ដីស្រមៃក្នុងការប្រជែងពានធំៗទៅហើយ ខណៈដែលក្លឹបរបស់គេកំពុងឈរនៅលេខរៀងទី 10 នៃតារាង Premier League។
ប្រភព: 90 Min
-
បាល់ទាត់អន្តរជាតិ2 days ago
ជាប់ពិន័យមិនឲ្យលេងបាល់ទាត់ ពេលនេះ Paul Pogba ត្រៀមបង្ហាញខ្លួនក្នុងខ្សែភាពយន្តថ្មីមួយ
-
បាល់ទាត់អន្តរជាតិ3 days ago
Cole Palmer ក្លាយជាកីឡាករវ័យក្មេងទី 3 ក្នុងប្រវត្តិសាស្ត្រ Premier League ដែលស៊ុតបញ្ចូលទីបានច្រើនជាង 20 គ្រាប់ក្នុងមួយរដូវកាល
-
បាល់ទាត់អន្តរជាតិ10 hours ago
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត