បាល់ទាត់អន្តរជាតិ

Alphonso Davies នៅក្រោយវាំងនននៃបាល់ទាត់ ជីវិតពោរពេញដោយភាពឯកា

Published

2 months ago

March 27, 2023

Lee Lee

ខ្សែការពាររបស់ក្លឹប Bayern Munich គឺកីឡាករ Alphonso Davies បានបង្ហាញពីជីវិតរបស់ខ្លួន ដែលពោរពេញដោយភាពឯកា។ កីឡាករឆ្នើមសញ្ជាតិកាណាដារូបនេះបានសារភាពថា គាត់បានរស់នៅយ៉ាងឯកោ ដោយគ្មានមនុស្សជិតស្និទ្ធិនៅក្បែរខ្លួន ហើយក្រៅពីហ្វឹកហាត់ គ្មានអ្វីធ្វើឡើយ។

Alphonso Davies បាននិយាយថា៖ “ជីវិតរបស់កីឡាករបាល់ទាត់អាជីព គឺអស្ចារ្យណាស់ ប៉ុន្តែក្រោយពីហ្វឹកហាត់រួច គ្មានអ្វីត្រូវធ្វើនោះទេ។ ដោយសារខ្ញុំគ្មានគ្រួសារនៅទីនេះ ហើយមិត្តស្រីរបស់ខ្ញុំមិនរស់នៅជាមួយខ្ញុំទេ ខ្ញុំនៅម្នាក់ឯង។ ខ្ញុំមានមិត្តភក្ដិប្រហែល 5 នាក់។ ខ្ញុំជាមនុស្សដែលឯកាខ្លាំងបំផុត”។

បច្ចុប្បន្ន Alphonso Davies ត្រូវបានគេចាត់ទុកថា ជាខ្សែការពារស្លាបដ៏ឆ្នើមបំផុតមួយរូបនៅក្នុងពិភពបាល់ទាត់ ជាមួយនឹងល្បឿន, បច្ចេកទេស និងពោរពេញដោយបទពិសោធន៍។ គាត់គឺជាកីឡាករមួយរូបដែលវិវត្តន៍ខ្លួនចេញពីការលេងក្នុងតំណែងជាខ្សែប្រយុទ្ធស្លាប។ កីឡាករដែលជំនាញជើងឆ្វេងរូបនេះ បានឈ្នះពានជាច្រើនជាមួយក្លឹបបច្ចុប្បន្នរបស់ខ្លួនដែលមានដូចជា UEFA Champions League ម្ដង, Bundesliga 4 ដង និងពានរង្វាន់ផ្សេងៗទៀតចំនួន 10។