បាល់ទាត់អន្តរជាតិ
Thomas Tuchel ចង់ឲ្យក្លឹបរបស់ខ្លួនចុះហត្ថលេខាលើខ្សែបម្រើ Casemiro
គ្រូបង្វឹករបស់ក្លឹប Bayern Munich លោក Thomas Tuchel ត្រូវបានគេរាយការណ៍ថា បានកំណត់គោលដៅរបស់គាត់លើខ្សែបម្រើ Casemiro របស់ក្លឹបបិសាចក្រហម Manchester United។ យោងតាមសារព័ត៌មានរបស់អាឡឺម៉ង់ Kicker បានឲ្យដឹងថា គ្រូបង្វឹករូបនេះចង់ចុះហត្ថលេខាលើកីឡាករដែលមានបទពិសោធន៍ ដើម្បីដោះស្រាយបញ្ហារបស់ក្រុមនៅចុងបញ្ចប់នៃរដូវកាលនេះ។
ដូចគ្នានេះដែរលោក Thomas Tuchel បានសម្លឹងមើលឃើញថា Casemiro គឺជាបេក្ខភាពដ៏សាកសមបំផុត ខណៈដែលខ្សែបម្រើសញ្ជាតិប្រេស៊ីលរូបនេះ លេងបានយ៉ាងល្អនៅតំបន់បម្រើកណ្ដាល និងជាពិសេសគាត់ជាកីឡាករដែលពោរពេញដោយបទពិសោធន៍ជោគជាំក្នុងការលេងពាន UEFA Champions League ផងដែរ។
រដូវកាលនេះមិនមែនជារដូវកាលដ៏ល្អរបស់ Bayern Munich ឡើយ ដោយបច្ចុប្បន្នពួកគេកំពុងឈរនៅចំណាត់ថ្នាក់លេខ 2 ក្នុងក្របខណ្ឌ Bundesliga នៅពីក្រោយ Borussia Dortmund ហើយកាលពីប៉ុន្មានសប្ដាហ៍មុនពួកគេក៏បានធ្លាក់ចេញពី UEFA Champions League ក្រោមស្នាដៃ Manchester City ទៀតផង។
យើងបានដឹងហើយថា Casemiro បានចូលរួមជាមួយ Manchester United ដោយផ្ទេរពី Real Madrid ក្នុងតម្លៃ 70 លានផោនកាលពីរដូវក្តៅឆ្នាំមុន។ គាត់នៅមានកុងត្រាជាមួយក្លឹបបិសាចក្រហម ដល់ឆ្នាំ 2026 ហើយប្រសិនបើក្លឹបបច្ចុប្បន្នអាចសម្រេចចិត្តអនុញ្ញាតឲ្យគាត់ចាកចេញ នោះតម្លៃផ្ទេរក៏មិនក្រោម 70 លានផោនដែរ។
ប្រភព: Sportskeeda
Mascherano ធ្វើជាគ្រូបង្វឹករបស់ Miami សំអាងលើ Messi និង Suarez?
ការសម្រេចចិត្តចុងក្រោយរបស់ Cristiano ចំពោះក្លឹប Al Nassr សម្រាប់ឆ្នាំ ២០២៥
អ្នកមកចែចូវ Vini JR ពី Real Madrid លើកនេះមិនក្រីក្រប៉ុន្មានទេ!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
