David Beckham ប្រាប់​មូលហេតុ​ដែល​គាត់​ព្យាយាម​ចុះ​​ហត្ថលេខា​លើ Lionel Messi

ប្រធាន​ក្លឹប និង​ជា​អ្នក​តំណាង​របស់​ក្លឹប Inter Miami លោក David Beckham បាន​លើក​ឡើង​ពី​មូលហេតុ​ដែល​ក្លឹប​របស់​លោក​ចុះ​ហត្ថលេខា​លើ​កាពីតែន​ក្រុម​ជម្រើ​សជាតិ​អាហ្សង់ទីន Lionel Messi។ លោក​បាន​ប្រាប់​ពី​មូលហេតុ​ពិត​ប្រាកដ​នៃ​រឿង​នេះ នៅ​ពេល​កីឡាករ​វ័យ 36 ឆ្នាំ​ត្រូវ​បាន​ប្រកាស​ជា​ផ្លូវការណ៍​ថា​ជា​កីឡាករ​ចំណូល​ថ្មី​របស់​ក្លឹប Inter Miami កាល​ពី​ម្សិលមិញ។

យ៉ាង​ណា​មិញ Lionel Messi បាន​ចូលរួម​ជាមួយ​ក្លឹប Inter Miami ក្នុង​នាម​ជា​កីឡាករ​ដែល​គ្មាន​តម្លៃ​ខ្លួន បន្ទាប់​ពី​កុងត្រា​របស់​គាត់​ជាមួយ Paris Saint-Germain បាន​ផុត​កំណត់​នៅរដូវ​ក្តៅ​នេះ។ និយាយ​អំពី Messi លោក David Beckham បាន​និយាយ​ថា ក្លឹប​របស់​គាត់​បាន​ចុះ​ហត្ថលេខា​លើ​អតីត​កីឡាករ​របស់​ក្លឹប Barcelona ដោយ​សារ​តែ​គាត់​ចង់​នាំ​យក​កីឡាករ​ដ៏​អស្ចារ្យ​បំផុត​នៅ​លើ​ពិភពលោក​ទៅ​កាន់​ទឹកដី​នៃ​ទីក្រុង Miami។

David Beckham បាន​និយាយ​ថា៖ “កាល​ពី 10 ឆ្នាំ​មុន នៅ​ពេល​ដែល​ខ្ញុំ​ចាប់ផ្តើម​ដំណើរ​របស់​ខ្ញុំ​ដើម្បី​បង្កើត​ក្លឹប​ថ្មី​នៅ Miami ខ្ញុំ​បាន​និយាយ​ថា ខ្ញុំ​សុបិន​ចង់​នាំយក​កីឡាករ​ដ៏​អស្ចារ្យ​បំផុត​នៅ​ក្នុង​ពិភពលោក​ទៅ​កាន់​ទីក្រុង​ដ៏​អស្ចារ្យ​នេះ។… ថ្ងៃនេះ សុបិន​នោះ​បាន​ក្លាយ​ជា​ការ​ពិត។ ខ្ញុំ​មិន​អាច​មិន​មាន​មោទនភាព​ទេ ដែល​កីឡាករ​មាន​សមត្ថភាព​ដូច Lionel Messi ចូលរួម​ជា​មួយ​ក្លឹប​របស់​យើង ប៉ុន្តែ​ខ្ញុំ​ក៏​រីករាយ​ក្នុង​ការ​ស្វាគមន៍​មិត្តល្អ ជា​មនុស្ស​អស្ចារ្យ និង​គ្រួសារ​ដ៏មាន​សុភមង្គល់​របស់​គាត់​មក Inter Miami របស់​យើង​ផង​ដែរ”។

ប្រភព: Dailypost NG