De Gea បដិសេធ​សំណើរ​ផ្ទេរ ពី​ក្លឹប​យក្ស​មួយ​នៅ​អ៊ីតាលី

កីឡាករ​​ដែល​បច្ចុប្បន្ន​គ្មាន​តម្លៃ​ខ្លួន David de Gea ដែល​ជា​អតីត​អ្នកចាំទី​របស់​ក្លឹប​បិសាចក្រហម Manchester United ត្រូវ​បាន​គេ​រាយការណ៍​ថា បាន​បដិសេធ​ឱកាស​ដើម្បី​ក្លាយ​ជា​អ្នក​ជំនួស​កន្លែង​របស់ Andre Onana នៅ Inter Milan (នេះ​បើ​យោងតាម​ការ​ចុះផ្សាយ​របស់ Daily Record)។

យ៉ាង​ណា​មិញ បច្ចុប្បន្ន Inter Milan កំពុង​ត្រូវ​ការ​ជា​ចាំ​បាច់​នូវ​បេក្ខភាព​អ្នកចាំទី​ដៃ​ទីមួយ បន្ទាប់​ពី Andre Onana បាន​ចាកចេញ​ទៅ​ចូលរួម​ជាមួយ Manchester United និង​ត្រូវ​បាន​ប្រកាស​ជា​ផ្លូវការណ៍​កាល​ពី​ថ្ងៃ​ព្រហស្បតិ៍​ម្សិល​មិញ​នេះ។ អ្នក​ចាំទី​រូប​នេះ ផ្ទេរ​មក​បិសាចក្រហម​ជាមួយ​នឹង​តម្លៃ​ផ្ទេរ 51 លានអឺរ៉ូ ខណៈ​ដែល​គាត់​ជា​អ្នកចាំទី​ដៃទីមួយ​ដែល​មក​ជំនួស David de Gea។

ដូចគ្នា​នេះ​ដែរ David de Gea បាន​ចាកចេញ​ពី​បិសាចក្រហម​បន្ទាប់​ពី​ចរចា​បន្ត​កុងត្រា​ថ្មី​មិន​ត្រូវ​គ្នា ហើយ​គេ​ដឹង​ថា កីឡាករ​សញ្ជាតិ​អេស្ប៉ាញ​រូបនេះ​ចង់​បាន​ប្រាក់បៀវត្សរ៍ ដែល​កាត់​ថ្លៃ​បង់ពន្ធ​រួច​រាល់ ហើយ​សល់ 10 លានអឺរ៉ូ។ ក្លឹប​យក្ស​របស់​អ៊ីតាលី Inter Milan ត្រូវ​បាន​គេ​រាយការណ៍​ថា​បាន​ដាក់​សំណើរ​ដល់ De Gea ចំនួន​​ទឹកប្រាក់​ពាក់​កណ្តាល​នៃ​អ្វី​ដែល​គាត់​ចង់​បាន ដែល​ជា​ហេតុផល​ធ្វើ​ឲ្យ​អ្នក​ចាំទី​វ័យ 32 ឆ្នាំ​រូប​នេះ​បដិសេធ។

ប្រភព: Dailypost NG