បាល់ទាត់អន្តរជាតិ
Newcastle កំពុងពិចារណាចង់បាន David de Gea បន្ទាប់ពីអ្នកចាំទីរបស់ខ្លួនមានរបួស
ក្លឹប Newcastle United ត្រូវបានគេរាយការណ៍ថា កំពុងថ្លឹងថ្លែងពិចារណាក្នុងការចុះហត្ថលេខាលើអតីតអ្នកចាំទីរបស់បិសាចក្រហម Manchester United គឺកីឡាករ David de Gea ស្របពេលដែលអ្នកចាំទីរបស់ពួកគេ Nick Pope បានរងរបួសស្មា នៅក្នុងការប្រកួតកាលពីប៉ុន្មានថ្ងៃមុន ដែលពួកគេទទួលបានជ័យជម្នះ 1-0 ទៅលើ Man United។
យ៉ាងណាមិញ អ្នកចាំទីវ័យ 31 ឆ្នាំ Nick Pope ត្រូវបានគិតថា អាចនឹងត្រូវការការវះកាត់ និងត្រូវអវត្តមានពីលើទីលានប្រកួតប្រហែល 4 ទៅ 5 ខែ។ អវត្ដមានរបស់ Nick Pope ទំនងជានឹងត្រូវស្នងតំណែងដោយអ្នកចាទីដៃទី 2 Martin Dubravka ខណៈដែល Loris Karius និង Mark Gillespie គឺជាជម្រើសបម្រុងទុក។
ទោះបីជាយ៉ាងណាក៏ដោយ យោងតាមកាសែត Daily Mail បានឲ្យដឹងថា ក្លឹប Newcastle កំពុងស្វែងរកលទ្ធភាពក្នុងការចុះហត្ថលេខាលើកីឡាករដែលគ្មានតម្លៃខ្លួន David de Gea នៅខែមករាខាងមុខ។ ដោយឡែកសម្រាប់ De Gea គាត់ជាកីឡាករដែលគ្មានក្លឹបលេងទេ ចាប់តាំងពីបានចាកចេញពី Man United កាលពីខែកក្កដាកន្លងទៅ។
ប្រភព: Sportsmole
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
