បាល់ទាត់អន្តរជាតិ
ក្លឹបអារ៉ាប់ ត្រៀមឆក់យកខ្សែបម្រើ Sofyan Amrabat ដែលជាគោលដៅរបស់ Man United
ក្លឹប Al-Ahli ត្រូវបានគេរាយការណ៍ថា មានចំណាប់អារម្មណ៍ក្នុងការទិញយកខ្សែបម្រើរបស់ក្លឹប Fiorentina គឺកីឡាករ Sofyan Amrabat ដែលកីឡាកររូបនេះដែរ ក៏កំពុងជាគោលដៅរបស់ក្លឹបបិសាចក្រហម Manchester United ដូចគ្នា។ គេបានដឹងថា Sofyan Amrabat បានយល់ព្រមលើលក្ខខណ្ឌផ្ទាល់ខ្លួនក្នុងការផ្ទេរទៅ Premier League ហើយ ប៉ុន្តែពេលនេះដំណើរត្រូវបង្អាក់បន្ទាប់ពីវត្តមានរបស់ក្លឹបនៅអារ៉ាប៊ីសាអូឌីតបានលេចឡើង។
ចាប់តាំងបានបង្ហាញនូវទម្រង់លេងដ៏អស្ចារ្យសម្រាប់ក្រុមជម្រើសជាតិម៉ារ៉ុក ក្នុងអំឡុងព្រឹត្តិការណ៍នៃការប្រកួតបាល់ទាត់ពិភពលោកឆ្នាំ 2022 ខ្សែបម្រើ Sofyan Amrabat ត្រូវបានផ្សារភ្ជាប់ជាមួយនឹងការចូលរួមជាមួយក្លឹបកំពូលៗជាច្រើននៅតំបន់អឺរ៉ុប។ ទោះបីជា Fiorentina បានបដិសេធសំណើរជាច្រើនកាលពីខែមករាកន្លងទៅក៏ដោយ ក្លឹបអ៊ីតាលីមួយនេះត្រូវបានគេរំពឹងថា នឹងឆក់យកឱកាសលក់ Sofyan Amrabat នៅរដូវក្តៅនេះ មុនពេលគេផុតកុងត្រា។
លើសពីនេះទៅទៀត កីឡាករវ័យ 26 ឆ្នាំរូបនេះក៏មិនបានចាប់អារម្មណ៍ក្នុងការបន្តកុងត្រារបស់គាត់រហូតដល់ឆ្នាំ 2025 ផងដែរ។ កាលពីសប្តាហ៍មុន មានអះអាងជាច្រើនបានឲ្យដឹងថា Manchester United បានយល់ព្រមលើតម្លៃខ្លួន 30 លានអឺរ៉ូ ក្នុងការនាំយក Amrabat ទៅ Old Trafford ហើយ គ្រាន់តែមិនទាន់បានសម្រេចជាផ្លូវការណ៍។
ដោយឡែកពេលនេះ របាយការណ៍ពី L’Equipe បានចុះផ្សាយឲ្យដឹងថា Al-Ahli កំពុងព្យាយាមចរចាជាមួយ Amrabat ដើម្បីនាំយកគាត់ទៅ Saudi Pro League នៅរដូវក្ដៅនេះ។ ក្លឹប Al-Ahli គឺជាក្រុមមួយក្នុងចំណោមក្រុមទាំងបួន ដែលហ៊ានចាយលុយធំ។ ដូច្នេះហើយពេលនេះស្ថានភាពរបស់ Amrabat អាចប្រែប្រួល ប្រសិនបើគាត់ជ្រើសរើសយកលុយសំខាន់ជាងការមកបន្តដំណើរផ្សងព្រេងក្នុងពិភពបាល់ទាត់របស់អង់គ្លេស។
ប្រភព: Sportsmole
-
បាល់ទាត់អន្តរជាតិ2 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ3 days ago
Kroos ប្រាប់ពីវិធីដែល Carlo Ancelotti កុហកកីឡាកររបស់ខ្លួន
-
បាល់ទាត់អន្តរជាតិ3 days ago
សហព័ន្ធកីឡាបាល់ទាត់នៃប្រទេសកាណាដា កំពុងទាក់ទងទៅអតីតគ្រូបង្វឹករបស់ Man United