បាល់ទាត់អន្តរជាតិ
PSG ត្រៀមចរចាចុះហត្ថលេខាផ្ទេរខ្សែបម្រើសញ្ជាតិព័រទុយហ្គាល់ Matheus Nunes
ខ្សែបម្រើ Matheus Nunes របស់ក្លឹប Wolverhampton Wanderers ត្រូវបានគេរាយការណ៍មកថា កំពុងក្លាយជាគោលដៅនៃការចង់បានរបស់ក្លឹបយក្សបារាំង Paris Saint-Germain។ ក្លឹបម្ចាស់ជើងឯក Ligue 1 កំពុងព្យាយាមនាំយកកីឡាករចំណូលថ្មីជាច្រើននៅរដូវក្ដៅនេះ និងត្រូវបានគេមើលឃើញថា ពួកគេនឹងផ្លាស់ប្តូរយុទ្ធសាស្រ្តថ្មីដែលដឹកនាំដោយគ្រូបង្វឹក Luis Enrique។
ខ្សែការពារ Milan Skriniar និង Marco Asensio សុទ្ធតែជាកីឡាករចំណូលថ្មីដែលមានពិសោធន៍ ប៉ុន្តែ PSG ក៏នៅតែត្រូវដោះស្រាយបន្ថែមទៀតជាមួយនឹងកីឡាករដែលត្រូវចាកចេញផងដែរ។ តារាឆ្នើមរបស់ក្លឹប Kylian Mbappe អាចនឹងត្រូវបានលក់ក្នុងតម្លៃដ៏ច្រើនមួយ ខណៈដែល Marco Verratti ក៏ត្រៀមនឹងចាកចេញដូចគ្នា។ ខ្សែបម្រើរូបនេះត្រូវបានគេដឹងថា កំពុងចរចាជាមួយក្លឹប Al-Hilal របស់ Saudi Pro League។
យោងតាមរបាយការណ៍ពី L’Equipe បានឲ្យដឹងថា ទីប្រឹក្សារបស់ក្លឹប PSG លោក Luis Campos បានរកឃើញកីឡាករដែលអាចជំនួស Marco Verratti រួចហើយ គឺខ្សែបម្រើសញ្ជាតិព័រទុយហ្គាល់ Matheus Nunes។ ទន្ទឹមនឹងនេះដែរ Luis Campos មានជំនឿចិត្តយ៉ាងមុតមាំថា ពួកគេនឹងអាចចុះហត្ថលេខាលើអតីតខ្សែបម្រើរបស់ក្លឹប Sporting Lisbon រូបនេះនៅមុនរដូវកាលថ្មីចាប់ផ្ដើម។
ប្រភព: Sportsmole
-
បាល់ទាត់អន្តរជាតិ2 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ3 days ago
Kroos ប្រាប់ពីវិធីដែល Carlo Ancelotti កុហកកីឡាកររបស់ខ្លួន
-
បាល់ទាត់អន្តរជាតិ3 days ago
សហព័ន្ធកីឡាបាល់ទាត់នៃប្រទេសកាណាដា កំពុងទាក់ទងទៅអតីតគ្រូបង្វឹករបស់ Man United