បាល់ទាត់អន្តរជាតិ
Salah នឹងទទួលបានប្រាក់ 180 លានអឺរ៉ូ ប្រសិនបើព្រមចាកចេញពី Liverpool
ខ្សែប្រយុទ្ធស្លាបរបស់ក្លឹបហង្សក្រហម Liverpool គឺកីឡាករ Mohamed Salah ត្រូវបានគេរាយការណ៍ថា កំពុងទទួលបានសំណើរមួយមកពីខាងមជ្ឈិមបូព៌ា ជាមួយនឹងកិច្ចព្រមព្រៀងដែលមានតម្លៃជាទឹកប្រាក់ 180 លានអឺរ៉ូ (155 លានផោន)។ Mohamed Salah នឹងទទួលបានប្រាក់ដ៏សន្ធឹកសន្ធាប់នោះ ប្រសិនបើគាត់ព្រមចាកចេញពី Anfield និងចុះកុងត្រាពីររដូវកាលជាមួយក្លឹប Al-Ittihad របស់អារ៉ាប៊ីសាអូឌីត។
យោងតាមប៉ុស្តិ៍ទូរទស្សន៍របស់អារ៉ាប់ Al-Riyadiah បានឲ្យដឹងថា ក្លឹប Al-Ittihad ឥឡូវនេះកំពុងពិភាក្សាជាមួយអ្នកតំណាងរបស់ Mohamed Salah ដែលការពិភាក្សានោះគឺអំពីការផ្ទេរដែលអាចទៅរួច ក្នុងការនាំយកខ្សែប្រយុទ្ធឆ្នើមរូបនេះទៅអារ៉ាប៊ីសាអូឌីតនៅរដូវក្តៅនេះ។
របាយការណ៍ដដែលនេះដែរ បានបន្ថែមទៀតថា ក្លឹបអារ៉ាប៊ីសាអូឌីតនឹងផ្ដល់ឲ្យ Liverpool នូវតម្លៃខ្លួននៃខ្សែប្រយុទ្ធស្លាបរូបនេះប្រមាណជា 60 លានផោន។ គួររំលឹកផងដែរថា Al-Ittihad ដែលជាក្លឹបម្ចាស់ជើងឯក Saudi Pro League កាលពីរដូវកាលមុន នៅតែព្យាយាមពង្រឹងបន្ថែមទៀតនូវក្រុមរបស់ខ្លួន ដោយកន្លងមកបានចុះហត្ថលេខាលើ Karim Benzema, N’Golo Kante និង Jota ផងដែរ។
ប្រភព: Dailypost NG
AC Milan ចង់ចុះហត្ថលេខាលើខ្សែប្រយុទ្ធឆ្នើម Ollie Watkins
Marco Verratti ទាក់ទងចង់ផ្ទេរមកចូលរួមជាមួយ Barcelona នៅរដូវក្ដៅនេះ!!!
Barcelona កំពុងរកឱកាសលក់ Ansu Fati និង Lenglet ទៅឲ្យក្លឹបនៅអារ៉ាប៊ីសាអូឌីត
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
