បាល់ទាត់អន្តរជាតិ
Ansu Fati ស្នើសុំចាកចេញពី Barcelona
ខ្សែប្រយុទ្ធស្លាប Ansu Fati របស់ Barcelona ត្រូវបានគេរាយការណ៍ថា បានស្នើសុំចាកចេញពីក្លឹបបច្ចុប្បន្នរបស់ខ្លួន ស្របពេលដែលមានក្លឹបធំៗមួយចំនួននៅ Premier League ចាប់អារម្មណ៍លើគាត់។ ដូចដែលបានរាយការណ៍ដោយ AS Sport កន្លងមកបានឲ្យដឹងថា Ansu Fati មានអារម្មណ៍ថា គាត់មិនត្រូវបានជឿទុកចិត្តដោយគ្រូបង្វឹកលោក Xavi Hernandez។
ជាការពិត នៅក្នុងការប្រកួតបើកឆាកលីគកំពូល La Liga ទល់នឹង Getafe កាលពីប៉ុន្មានថ្ងៃមុន Ansu Fati មិនបានបង្ហាញខ្លួនជាជម្រើសដំបូងឡើយ ហើយរហូតមកដល់នាទី 79 ទើបគាត់ត្រូវបានប្ដូរចូល។ ក្លឹបបិសាចក្រហម Manchester United, Arsenal និង Tottenham Hotspur ជាក្លឹបនៅ Premier League ដែលសុទ្ធតែចាប់អារម្មណ៍បលើកីឡាករសញ្ជាតិអេស្ប៉ាញរូបនេះ។
ស្របពេលដែល Ansu Fati កំពុងមិនសូវទទួលបានឱកាសលេងច្រើនដូចមុននោះ Abde Ezzalzouli និង Lamine Yamal ហាក់ដូចជាកំពុងឡើងជើងខ្លាំង និងត្រូវបានគ្រូបង្វឹកប្រើប្រាស់ជាជម្រើសមុនគាត់ផងដែរ។ Fati នៅសល់កុងត្រា 4 ឆ្នាំទៀត ជាមួយ Barcelona ប៉ុន្តែពេលនេះ Dailymail បានអះអាងថា កីឡាករវ័យ 20 ឆ្នាំរូបនេះ បានស្នើសុំចាកចេញពីក្លឹបយក្សកាតាឡាន់ដែលជាក្លឹបពីកុមារភាពរបស់គាត់ ដើម្បីស្វែងរកការប្រកួតប្រជែងថ្មីដែលមានឱកាសលេងច្រើនជាងមុន។
ប្រភព: Dailymail
Barcelona កំណត់គោលដៅត្រៀមចុះហត្ថលេខាលើ Darwin Nunez ដើម្បីមកជំនួសកន្លែងរបស់ Lewandowski
តើ Real Madrid ឈ្នះពានលីកកំពូលរបស់អេស្ប៉ាញ (La Liga) បានប៉ុន្មានដងហើយ? ក្លឹបណា ដែលមានកំណត់ត្រាឈ្នះពាននេះច្រើនជាងគេ?
Messi បង្កើតកំណត់ត្រាថ្មីនៅលីគកំពូលអាមេរិក MLS
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
