បាល់ទាត់អន្តរជាតិ
នៅលីគអារ៉ាប៊ីសាអូឌីត មានតែកីឡាករម្នាក់គត់ដែលមានប្រាក់ខែច្រើនជាង Neymar
បន្ទាប់ពីផ្លាស់ទៅ Al-Hilal ខ្សែប្រយុទ្ធស្លាប Neymar Jr បានក្លាយជាកីឡាករដែលមានប្រាក់ពលកម្ម រឺប្រាក់ចំណូលខ្ពស់ជាងគេទីពីរនៅក្នុង Saudi Pro League។ មនុស្សតែម្នាក់គត់ ដែលមានប្រាក់ខែច្រើនជាងតារាឆ្នើមសញ្ជាតិប្រេស៊ីលរូបនេះគឺ Cristiano Ronaldo ដែលបច្ចុប្បន្នកំពុងលេងឲ្យក្លឹប Al Nassr។
យោងតាមសារព័ត៌មាន L’Equipe បានឲ្យដឹងថា Neymar Jr បានទទួលប្រាក់ពលកម្មប្រហែល 276 លានផោន (351 លានដុល្លារ) លើកុងត្រារយៈពេល 2 ឆ្នាំរបស់គាត់នៅ Al-Hilal។ ទោះបីជាយ៉ាងណាក៏ដោយ Neymar នៅតែមានប្រាក់ចំណូលតិចជាង Cristiano Ronaldo ដែលរកបានរហូតដល់ 177 លានផោន (225 លានដុល្លារ) ត្រឹមតែមួយរដូវកាលប៉ុណ្ណោះ។
មុនពេលចូលរួមជាមួយ Al-Hilal កីឡាករវ័យ 31 ឆ្នាំ Neymar Jr មានភាពច្របូកច្របល់មួយចំនួនជាមួយក្លឹបយក្សបារាំង Paris Saint-Germain ហើយនៅទីបំផុតគាត់ក៏សម្រេចចិត្តចាកចេញទៅមជ្ឈឹមបូព៌ា។ PSG បានយល់ព្រមលើតម្លៃខ្លួននៃការចាកចេញរបស់គាត់ 77 លានផោន ខណៈដែលពេលពួកគេទិញគាត់ពី Barcelona ក្នុងឆ្នាំ 2017 ជាមួយតម្លៃផ្ទេរបំបែកកំណត់ត្រារហូតដល់ 222 លានអឺរ៉ូ។
ប្រភព: Dailypost NG