បាល់ទាត់អន្តរជាតិ
Marcos Acuna ត្រៀមចាកចេញទៅទឹកដី Premier League
ខ្សែការពារ Marcos Acuna របស់ Sevilla ត្រូវបានគេរាយការណ៍ថា បានយល់ព្រមលក្ខខណ្ឌផ្ទាល់ខ្លួនជាមួយ Aston Villa ហើយ។ អនាគតរបស់កីឡាករអាហ្សង់ទីនរូបនេះ បានក្លាយជាប្រធានបទនៃការជជែកវែកញែកនៅរយៈពេលប៉ុន្មានសប្តាហ៍ថ្មីៗនេះ ហើយជាលទ្ធផល Aston Villa ជាក្លឹបមួយក្នុងចំណោមក្លឹបផ្សេងៗទៀតដែលចាប់អារម្មណ៍លើគាត់។
ស្របពេលដែល Marcos Acuna ត្រូវបានផ្សារភ្ជាប់នឹងការចាកចេញពី Sevilla នោះ កីឡាករវ័យ 31 ឆ្នាំរូបនេះនៅតែបង្ហាញខ្លួនជាធម្មតានៅក្នុងការប្រកួតបើកឆាករដូវកាលថ្មី 2023-2024 ជាមួយនឹងជម្រើសជាកីឡាករដំបូងរបស់ក្រុម ដោយលេងបាន 90 នាទីពេញទល់នឹង Valencia កាលពីសប្តាហ៍មុនផងដែរ។
យោងតាមរបាយការណ៍ដែលបានចុះផ្សាយដោយ TyC Sports បានឲ្យដឹងថា Marcos Acuna បានយល់ព្រមលើកិច្ចព្រមព្រៀងផ្ទាល់ខ្លួនជាមួយ Aston Villa ហើយ បើទោះបីជាក្លឹបទាំងពីរមិនទាន់ចរចាតម្លៃខ្លួនរបស់ខ្សែការពារឆ្វេងរូបនេះបានត្រូវរូវគ្នាក៏ដោយ។ គេបានដឹងថា Sevilla នឹងរងចាំការដេញថ្លៃជាទឹកប្រាក់ 13 លានផោន ទើបពួកគេលក់ Marcos Acuna។
ប្រភព: Sportsmole