បាល់ទាត់អន្តរជាតិ
Szoboszlai អះអាងថា មានតែ Liverpool របស់គាត់ទេ ដែលអាចបំបាក់ក្រុមរបស់តា Pep នៅរដូវកាលនេះបាន!!!
ខ្សែបម្រើចំណូលថ្មី Dominik Szoboszlai របស់ក្លឹបហង្សក្រហម Liverpool បានអះអាងថា ក្រុមរបស់ខ្លួនដែលដឹកនាំដោយលោក Jurgen Klopp គឺជាក្រុមតែមួយគត់ ដែលអាចនឹងបញ្ចប់ចំណាត់ថ្នាក់កំពូលតារាង Premier League របស់ Manchester City នៅរដូវកាលនេះបាន។
យ៉ាងណាមិញយើងបានដឹងហើយថា Man City បានឈរក្នុងចំណាត់ថ្នាក់ជាក្រុមលេខមួយដែលមានទម្រង់លេងដ៏លេចធ្លោរបំផុត នៅក្នុងបាល់ទាត់របស់អង់គ្លេសក្នុងរយៈពេល 6 ឆ្នាំចុងក្រោយនេះ។ គិតចាប់តាំងពីឆ្នាំ 2013 មក ក្រុមរបស់លោក Pep Guardiola បានឈ្នះពានលីគចំនួន 5 មកហើយ។ ពួកគេស្ទើរតែត្រូវបានឈ្នះពាន 5 រដូវកាលជាប់ៗគ្នាទៅហើយ ប៉ុន្តែ Liverpool បានតាមរំខាន ហើយក៏ដណ្ដើមបានតំណែងជាម្ចាស់ពានក្នុងរដូវកាល 2019-2020។
មានមនុស្សជាច្រើនបានមើលឃើញថា រដូវកាលនេះ Man City នៅតែជាក្រុមដែលមានភាគរយខ្ពស់ក្នុងការឈ្នះពានលីគដដែល ខណៈ 3 ប្រកួតបើកឆាករបស់ពួកគេ មិនទាន់ចាញ់ឡើយ និងមាន 9 ពិន្ទុពេញ។ ទន្ទឹមនឹងនេះដែរ Liverpool ក៏ជាក្រុមដែលមិនទាន់ចាញ់ដូចគ្នា ប៉ុន្តែពួកគេមានត្រឹម 7 ពិន្ទុប៉ុណ្ណោះ ដោយសារបានស្មើនៅប្រកួតបើកឆាកជាមួយតោខៀវ Chelsea។
ខ្សែបម្រើដែលជាម្ចាស់អាវលេខ 8 ថ្មី Szoboszlai ដែលទើបនឹងបានចូលរួមជាមួយហង្សក្រហមនៅរដូវក្តៅនេះ មានទំនុកចិត្តថា Liverpool នឹងអាចប្រជែងជាមួយ Manchester City ម្ដងទៀត។ នៅពេលត្រូវបានគេសួរកាលពីពេលថ្មីៗនេះថា តើក្រុមណានឹងបញ្ចប់ចំណាត់ថ្នាក់ពីលើ Man City នៅរដូវកាលនេះបាន ពេលនោះខ្សែបម្រើសញ្ជាតិហុងគ្រីរូបនេះបានឆ្លើយតបថា៖ “ពួកយើង… វាមិនមែនជារឿងលេងសើចទេ ខ្ញុំកំពុងគិតអំពីរឿងនេះ។ ខ្ញុំតែងតែគិតបែបនោះ ទោះបីវាជារឿងដែលពិបាកក៏ដោយ”។
ប្រភព: Dailypost NG
Thomas Tuchel បើកចិត្តក្នុងការចង់មកដឹកនាំនៅបិសាចក្រហម
Thiago Silva សម្រេចចិត្តវិលត្រឡប់ទៅលេងនៅប្រទេសកំណើតរបស់ខ្លួនវិញ
សង្គ្រាមដណ្ដើមចំណាត់ថ្នាក់លេខ 2 រវាង Girona និង Barcelona នៅយប់នេះ!!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
