បាល់ទាត់អន្តរជាតិ
Barcelona សម្រេចមិនចាយប្រាក់រកកីឡាករចំណូលថ្មីមកជំនួសកន្លែង Ousmane Dembele
ខ្សែប្រយុទ្ធសញ្ជាតិបារាំង Ousmane Dembele បានចាកចេញពី Camp Nou ដើម្បីទៅចូលរួមជាមួយ PSG ស្របពេលដែល Barcelona មិនបានត្រៀមចិត្តជាមុនថា ពួកគេនឹងត្រូវបាត់បង់ខ្សែប្រយុទ្ធស្លាបរូបនេះឡើយ។ ស្របពេលដែល Dembele ធ្លាប់ជាកីឡាករដ៏ល្អបំផុតម្នាក់នោះ Barcelona ពិតជាពិបាកនឹងស្វែងរកកីឡាករណាម្នាក់មកជំនួសគាត់បានណាស់។
ស្របពេលដែលក្លឹបកំពុងមានវិបត្តិហិរញ្ញវត្ថុទៀតនោះក្លឹបយក្សកាតាឡាន់មិនបានចុះហត្ថលេខាលើខ្សែប្រយុទ្ធស្លាបស្ដាំមកជំនួស Ousmane Dembele ទេ ខណៈដែលបច្ចុប្បន្នកីឡាករដែលលេងនៅតំបន់នោះមានតែ Raphinha ម្នាក់ប៉ុណ្ណោះ។ ជាលទ្ធផលពួកគេបានមើលឃើញកីឡាករវ័យក្មេង Lamine Yamal។
ខ្សែប្រយុទ្ធសញ្ជាតិអេស្ប៉ាញ Lamine Yamal ត្រូវបានគេមើលឃើញថា ក្លឹបបានចាត់ទុកគេជាអ្នកជំនួស Ousmane Dembele ស្របពេលដែលគាត់ទើបនឹងប្រូម៉ូតឡើងមកលេងជាមួយឈុតធំជាលើកដំបូងកាលពីឆ្នាំមុនប៉ុណ្ណោះ។ ថ្វីត្បិតតែមិនទាន់ដល់កម្រិតរបស់ Dembele ក៏ដោយ កីឡាករវ័យ 16 ឆ្នាំរូបនេះហាក់ដូចជាបានធ្វើឲ្យអ្នកគាំទ្រពេញចិត្តទៅហើយ។
កាលពីប្រកួតម្សិលមិញនេះ Lamine Yamal បានបង្ហាញខ្លួនជាជម្រើសដំបូងនៅក្នុងការប្រកួតលីគទល់នឹងក្រុមខ្លាំង Villarreal ជំនួស Raphinha ដែលជាប់បម្រាមកាតក្រហម។ ការបង្ហាញសមត្ថភាពរបស់ Lamine Yamal គឺពិតជាអស្ចារ្យណាស់ និងត្រូវបានគេរំពឹងថា កីឡាករដែលប្រសូត្រចេញពីយុវជន La Masia រូបនេះនឹងល្អខ្លាំងនាពេលអនាគត ហើយក្លឹបមិនចាំបាច់ចំណាយប្រាក់នាំយកខ្សែប្រយុទ្ធស្លាបស្ដាំនៅរដូវក្ដៅនេះទេ។
ប្រភព: Barcablaugranes
-
បាល់ទាត់អន្តរជាតិ3 days ago
Chelsea ត្រៀមបើកច្រកផ្លូវឲ្យកីឡាករដែលមានប្រាក់ខែខ្ពស់មួយរូបចាកចេញ នៅរដូវក្ដៅនេះ
-
បាល់ទាត់អន្តរជាតិ3 days ago
Van Dijk គាំទ្រចង់ឲ្យគ្រូបង្វឹករូបនេះ មកដឹកនាំនៅ Liverpool រដូវកាលក្រោយ!!!
-
បាល់ទាត់អន្តរជាតិ3 days ago
កីឡាករសំខាន់ 2 រូបរបស់ Man City នឹងអវត្តមានក្នុងការប្រកួតទល់នឹង Brighton នៅរំលងអាធ្រាតនេះ!!!