បាល់ទាត់អន្តរជាតិ
Donnarumma បញ្ជាក់ថា មិត្តរួមក្រុមរបស់គាត់ Kylian Mbappe នឹងមិនចាកចេញទៅណាឡើយ
អ្នកចាំទីដៃទីមួយ Gianluigi Donnarumma របស់ក្លឹប Paris Saint-Germain បានបញ្ជាក់ច្បាស់ៗកាលពីពេលថ្មីៗនេះថា មិត្តរួមក្រុមរបស់គាត់ Kylian Mbappe នឹងមិនចាកចេញពីក្លឹបនៅរដូវក្តៅនេះទេ ស្របពេលដែលមានរបាយការណ៍ជាច្រើនបានអះអាងថា ខ្សែប្រយុទ្ធរូបនេះកំពុងទាក់ទងជាមួយនឹងការផ្ទេរទៅ Real Madrid ក៏ដោយ។
យ៉ាងណាមិញ Donnarumma បាននិយាយបែបនេះ បន្ទាប់ពីការប្រកួតលីគដែល PSG បានយកឈ្នះ Lens កាលពីថ្ងៃសៅរ៍សប្ដាហ៍មុន។ Mbappe នៅតែមិនអាចចាកចេញទៅទឹកដីអេស្ប៉ាញតាមបំណងរបស់ខ្លួន ខណៈដែលនរណាៗក៏ដឹងថា គាត់ចង់ទៅលេងនៅ Real Madrid ហើយស្ទើរតែពេញមួយទីផ្សារដោះដូរកីឡាករនារដូវក្តៅនេះទៅហើយ ដែលគាត់ត្រូវបានផ្សារភ្ជាប់នឹងការចាកចេញពី Parc des Princes។
កុងត្រារបស់កីឡាករសញ្ជាតិបារាំងរូបនេះជាមួយ PSG នឹងផុតកំណត់នៅរដូវក្តៅឆ្នាំក្រោយ ហើយគាត់មិនទាន់បានចុះកុងត្រាថ្មីជាមួយក្លឹបបច្ចុប្បន្ននៅឡើយទេ ប៉ុន្តែជារឿយៗ PSG បានបញ្ចុះបញ្ចូលគាត់ ដើម្បីឲ្យបន្តកុងត្រាជាមួយពួកគេ។ យើងមិនអាចដឹងថា Kylian Mbappe អាចនឹងត្រូវល្បួងបានសម្រេចពីសំណាក់ PSG រឺអត់នោះឡើយ ប៉ុន្តែរដូវកាលនេះទំនងជាគាត់នឹងត្រូវបន្តអាជីពក្នុងទឹកដីកំណើតរបស់ខ្លួនដដែល។ ដូចគ្នានេះដែរ កីឡាករសញ្ជាតិអ៊ីតាលី Donnarumma ក៏បាននិយាយថា៖ “វាពិតជារីករាយក្នុងការលេងជាមួយ Kylian Mbappe។ គាត់ គឺអស្ចារ្យបំផុត។ គាត់នឹងបន្តនៅទីនេះ ប្រាកដណាស់…”។
ប្រភព: Dailypost NG
-
បាល់ទាត់អន្តរជាតិ2 days ago
Chelsea ត្រៀមបើកច្រកផ្លូវឲ្យកីឡាករដែលមានប្រាក់ខែខ្ពស់មួយរូបចាកចេញ នៅរដូវក្ដៅនេះ
-
បាល់ទាត់អន្តរជាតិ2 days ago
Van Dijk គាំទ្រចង់ឲ្យគ្រូបង្វឹករូបនេះ មកដឹកនាំនៅ Liverpool រដូវកាលក្រោយ!!!
-
បាល់ទាត់អន្តរជាតិ2 days ago
កីឡាករសំខាន់ 2 រូបរបស់ Man City នឹងអវត្តមានក្នុងការប្រកួតទល់នឹង Brighton នៅរំលងអាធ្រាតនេះ!!!