បាល់ទាត់អន្តរជាតិ
Neymar ប្រាប់ថា គាត់និង Messi ធ្លាប់ឆ្លងកាត់បទពិសោធន៍ជីវិតដ៏អាក្រក់បំផុតនៅ PSG
ខ្សែប្រយុទ្ធឆ្នើម Neymar Jr របស់ក្លឹប Al-Hilal បានលើកឡើងថា គាត់បានជួបប្រទះនឹងជីវិតដ៏អាប់អួរបំផុតជាមួយមិត្តជិតស្និទ្ធិ Lionel Messi ក្នុងអំឡុងពេលនៅក្លឹបយក្ស Paris Saint-Germain ជាមួយគ្នា។ Neymar សារភាពថា ទាំងគាត់ និង Messi គឺពិតជាមានការសោកស្ដាយ ដោយមិនអាចបង្កើតប្រវត្តិសាស្ត្រដ៏អស្ចារ្យនៅប្រទេសបារាំងបាន។
យ៉ាងណាមិញ កីឡាករឆ្នើមទាំងពីររូបនេះបានចាកចេញពី PSG កាលពីរដូវក្តៅកន្លងទៅ ដោយ Messi បានចុះកុងត្រាលេងជាមួយ Inter Miami ក្នុងនាមជាកីឡាករដែលគ្មានតម្លៃខ្លួន ខណៈដែល Neymar Jr បានចាកចេញទៅចូលរួមជាមួយក្លឹបនៅអារ៉ាប៊ីសាអូឌីត Al-Hilal។
ខ្សែប្រយុទ្ធសញ្ជាតិប្រេស៊ីល Neymar Jr ដែលធ្លាប់បានចំណាយពេល 6 ឆ្នាំនៅ PSG បាននិយាយកាលពីពេលថ្មីៗនេះជាមួយ Globo ថា៖ “ខ្ញុំសប្បាយចិត្តខ្លាំងណាស់ សម្រាប់ពេលវេលាដំបូងដែលគាត់ (Messi) មកដល់។ ប៉ុន្តែក្នុងពេលជាមួយគ្នានោះ ក៏សោកសៅយ៉ាងខ្លាំងដែរ ដោយសារតែគាត់រស់នៅក្នុងមជ្ឈដ្ឋានពីរផ្សេងគ្នា។ គាត់បានរស់នៅឋានសួគ៌ជាមួយក្រុមអាហ្សង់ទីន ឈ្នះអ្វីៗគ្រប់យ៉ាងក្នុងរយៈពេលប៉ុន្មានឆ្នាំចុងក្រោយនេះ តែគាត់បានរស់នៅឋាននរកក្នុងទីក្រុងប៉ារីស”។
Neymar Jr បានបន្ថែមទៀតថា៖ “ពួកយើងបានឆ្លងកាត់ស្ថាននរក ទាំងគាត់ និងខ្ញុំ។ យើងពិបាកចិត្ត ព្រោះយើងមិនអាចកសាងសមិទ្ធិផលអ្វីឡើយ។ យើងនៅទីនោះដើម្បីប្រឹងប្រែងឲ្យអស់ពីសមត្ថភាព ក្លាយជាជើងឯក ព្យាយាមបង្កើតប្រវត្តិសាស្ត្រសម្រាប់ក្លឹប។ នោះហើយជាមូលហេតុដែលយើងចាប់ផ្តើមលេងជាមួយគ្នាម្តងទៀត។ យើងបានជួបគ្នានៅទីនោះ ដូច្នេះហើយយើងអាចបង្កើតប្រវត្តិសាស្ត្រជាមួយគ្នា។ តែជាអកុសល យើងមិនអាចធ្វើវាបាន”។
ប្រភព: Dailypost NG
-
បាល់ទាត់អន្តរជាតិ2 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ3 days ago
Kroos ប្រាប់ពីវិធីដែល Carlo Ancelotti កុហកកីឡាកររបស់ខ្លួន
-
បាល់ទាត់អន្តរជាតិ3 days ago
សហព័ន្ធកីឡាបាល់ទាត់នៃប្រទេសកាណាដា កំពុងទាក់ទងទៅអតីតគ្រូបង្វឹករបស់ Man United