បាល់ទាត់អន្តរជាតិ
Sergio Ramos បដិសេធមិនផ្ទេរទៅអាប៊ីសាអូឌីត ដើម្បីវិលត្រឡប់ទៅអតីតក្លឹបចាស់នៅអេស្ប៉ាញវិញ
ខ្សែការពារចាស់វស្សា Sergio Ramos បានច្រានចោលឱកាសក្នុងការផ្ទេរទៅកាន់ប្រទេសអារ៉ាប៊ីសាអូឌីត ហើយគ្រោងនឹងត្រឡប់ទៅកាន់ការប្រកួតប្រជែងនៅ La Liga ដែលជាទឹកដីកំណើតរបស់ខ្លួនវិញ (នេះបើយោងតាមរបាយការណ៍ដែលបានចុះផ្សាយដោយ Goal)។
យ៉ាងណាមិញ ខ្សែការពារកណ្ដាលដែលរក្សាទុកកេរ្តិ៍ដ៏ល្បីល្បាញរូបនេះ បានឈានដល់កិច្ចព្រមព្រៀងពាក្យសម្ដីរួចរាល់ហើយ ដើម្បីចុះហត្ថលេខាជាមួយក្លឹប Sevilla ដែលជាអតីតក្លឹបពីកុមារភាពរបស់គាត់។ Sergio Ramos បច្ចុប្បន្ន គឺជាកីឡាករដែលគ្មានតម្លៃខ្លួន បន្ទាប់ពីគាត់បានផុតកុងត្រា និងសម្រេចចាកចេញពីក្លឹបយក្សបារាំង Paris Saint-Germain នៅរដូវក្តៅនេះ។
ក្នុងអំឡុងពេលប៉ុន្មានខែមុន អតីតខ្សែការពារ Real Madrid រូបនេះ ត្រូវបានគេផ្សារភ្ជាប់ជាមួយនឹងការផ្ទេរទៅចូលរួមជាមួយក្លឹប Al-Ittihad របស់អារ៉ាប៊ីសាអូឌីត ដែលជាកន្លែងគាត់អាចជួបជុំជាមួយអតីតមិត្តចាស់ Karim Benzema។ ផ្ទុយមកវិញ Sergio Ramos មិនមានចំណាប់អារម្មណ៍ជាមួយលុយធំរបស់ក្លឹបនៅ Saudi Pro League ឡើយ ហើយត្រៀមនឹងចុះកុងត្រារយៈពេលខ្លីមួយជាមួយ Sevilla។
ប្រភព: Dailypost NG