បាល់ទាត់អន្តរជាតិ
Kyle Walker បង្ហើបថា គាត់ស្ទើរតែចាកចេញទៅ Bayern Munich ទៅហើយ ប៉ុន្តែបានប្ដូរចិត្តវិញ
ខ្សែការពារ Kyle Walker របស់ក្លឹបមេឃខៀវ Manchester City បានសារភាពថា ខ្លួនជិតនឹងចាកចេញទៅ Bayern Munich នៅរដូវក្តៅនេះទៅហើយ ប៉ុន្តែបានប្ដូរចិត្តវិញ។ យ៉ាងណាមិញ កីឡាករឆ្នើមរបស់ក្រុមជម្រើសជាតិអង់គ្លេស កំពុងត្រៀមនឹងចុះកុងត្រាថ្មីជាមួយក្លឹបបច្ចុប្បន្នរបស់ខ្លួនដើម្បីបន្តអាជីពក្នុងទឹកដី Etihad បន្តទៀត។
យ៉ាងណាមិញ Kyle Walker ត្រូវបានក្លឹបម្ចាស់ជើងឯក Bundesliga ចង់បាន ប៉ុន្តែគាត់បានសម្រេចចិត្តចុងក្រោយដោយនៅជាមួយក្លឹបយក្សនៅ Premier League យ៉ាងហោចណាស់ ដល់ឆ្នាំ 2026។ យ៉ាងណាកីឡាករវ័យ 33 ឆ្នាំរូបនេះបានបង្ហើបអំពីរឿងរ៉ាវដែលគាត់ស្ទើរតែចាកចេញពីទឹកដីអង់គ្លេសទៅ Bayern Munich ទៅហើយ។
Kyle Walker បាននិយាយថា៖ “វាខិតជិតទៅហើយ ប៉ុន្តែនៅក្នុងបាល់ទាត់ អ្វីៗអាចកើតឡើង។ ការសម្រេចចិត្តអាចត្រូវបានកើតឡើង។… តើខ្ញុំនឹងបានរីករាយជាមួយបទពិសោធបែបនេះទេ? ប្រាកដណាស់ វាជាការពិត។ ប៉ុន្តែក្លឹបនេះ (Man City) គឺជាក្លឹបដ៏អស្ចារ្យមួយ ហើយអ្នកមិនអាចមើលស្រាលអ្វីដែលក្លឹបនេះបានធ្វើក្នុងរយៈពេលប្រាំមួយ រឺប្រាំពីរឆ្នាំចុងក្រោយនេះទេ”។
ប្រភព: Dailypost NG
AC Milan ចង់ចុះហត្ថលេខាលើខ្សែប្រយុទ្ធឆ្នើម Ollie Watkins
Marco Verratti ទាក់ទងចង់ផ្ទេរមកចូលរួមជាមួយ Barcelona នៅរដូវក្ដៅនេះ!!!
Barcelona កំពុងរកឱកាសលក់ Ansu Fati និង Lenglet ទៅឲ្យក្លឹបនៅអារ៉ាប៊ីសាអូឌីត
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
