បាល់ទាត់អន្តរជាតិ
Griezmann ដាក់គោលដៅចាកចេញពី Atletico Madrid នៅពេលចប់រដូវកាល ដោយចង់ដើរតាមគន្លងរបស់ Messi
កីឡាករឆ្នើម Antoine Griezmann ទំនងជានឹងចាកចេញទៅទឹកដីអាមេរិចជាមួយ Major League Soccer ហើយ នៅឆ្នាំក្រោយ នេះបើយោងតាមរបាយការណ៍ក្នុងប្រទេសអេស្ប៉ាញបានចុះផ្សាយ។ ខ្សែប្រយុទ្ធរបស់ក្លឹប Atletico Madrid រូបនេះ មិនបានលាក់បាំងពីសេចក្តីស្រឡាញ់របស់គាត់ចំពោះការចំណាយពេលវេលាចុងក្រោយនៃអាជីពបាល់ទាត់របស់គាត់ក្នុងលីគកំពូលរបស់អាមេរិចឡើយ។
កន្លងមក Antoine Griezmann ធ្លាប់បានបង្ហើបថា ថ្ងៃណាមួយគាត់នឹងចាកចេញទៅលេងនៅ MLS។ ជាលទ្ធផល របាយការណ៍ពីកាសែត Sport របស់អេស្ប៉ាញបានលើកឡើងថា ខ្សែប្រយុទ្ធសញ្ជាតិបារាំងរូបនេះនឹងចាកចេញពីក្លឹបបច្ចុប្បន្នរបស់ខ្លួននៅចុងបញ្ចប់នៃរដូវកាលនេះ។
Antoine Griezmann បានប្រាប់កាសែត MailSport ថា គាត់មានបំណងដើរតាមគន្លងរបស់ Lionel Messi និងបញ្ចប់អាជីពរបស់គាត់នៅសហរដ្ឋអាមេរិក។ អតីតមិត្តរួមក្រុមរបស់គាត់ពេលនៅ Barcelona ដូចជា Messi, Jordi Alba និង Sergio Busquets សុទ្ធតែកំពុងលេងនៅអាមេរិចជាមួយក្លឹប Inter Miami របស់ David Beckham។
ទន្ទឹមនឹងនេះដែរ Atletico Madrid បានដឹងថា Griezmann ពិតជាចង់ចាកចេញពីប្រទេសអេស្ប៉ាញនៅចុងបញ្ចប់នៃរដូវកាលនេះ ដើម្បីធ្វើដំណើរទៅលីគ MLS ដែលជាលីគមិនសូវមានសម្ពាធខ្ពស់។ កីឡាករវ័យ 32 ឆ្នាំរូបនេះស្ថិតក្រោមកុងត្រាជាមួយ Atletico Madrid រហូតដល់ឆ្នាំ 2026 ប៉ុន្តែគេបានដឹងថា ប្រសិនបើក្លឹបអេស្ប៉ាញមួយនេះទទួលបានសំណើរដ៏សមរម្យមួយនោះ ពួកគេនឹងសុខចិត្តអនុញ្ញាតឲ្យ Griezmann ចាកចេញ។
ប្រភព: Dailymail
Thomas Tuchel បើកចិត្តក្នុងការចង់មកដឹកនាំនៅបិសាចក្រហម
Thiago Silva សម្រេចចិត្តវិលត្រឡប់ទៅលេងនៅប្រទេសកំណើតរបស់ខ្លួនវិញ
សង្គ្រាមដណ្ដើមចំណាត់ថ្នាក់លេខ 2 រវាង Girona និង Barcelona នៅយប់នេះ!!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
