បាល់ទាត់អន្តរជាតិ
ផ្លូវការណ៍៖ សហព័ន្ធបាល់ទាត់អាឡឺម៉ង់ ប្រកាសតែងតាំង Julian Nagelsmann ជាគ្រូបង្វឹកថ្មីរបស់ក្រុមជម្រើសជាតិ
នៅមុននេះបន្តិច សហព័ន្ធបាល់ទាត់នៃប្រទេសអាឡឺម៉ង់ បានប្រកាសបញ្ជាក់ពីការតែងតាំងលោក Julian Nagelsmann ជាគ្រូបង្វឹកថ្មីរបស់ពួកគេ។ គ្រូបង្វឹកវ័យ 36 ឆ្នាំរូបនេះបានត្រឡប់មកកាន់ការងារជាគ្រូបង្វឹកវិញ ក្រោយរយៈពេល 6 ខែដែលត្រូវបាន Bayern Munich បណ្ដេញចេញពីតំណែង។
Julian Nagelsmann បានចូលមកដឹកនាំក្រុមជម្រើសជាតិក្នុងនាមជាគ្រូបង្វឹកថ្មីដែលជំនួសកន្លែងរបស់លោក Hansi Flick ដែលទើបនឹងបណ្តេញចេញកាលពីដើមខែនេះ បន្ទាប់ពីដឹកនាំក្រុមជម្រើសជាតិជិត 2 ឆ្នាំ ដោយមិនសូវទទួលបានផ្លែផ្កា។ Hansi Flick បានរងបរាជ័យក្នុងការដឹកនាំប្រកួតចុងក្រោយយ៉ាងធ្ងន់ករ ដោយចាញ់ 4-1 នៅក្នុងដីខ្លួនឯង ដែលជាការប្រកួតមិត្តភាពជាមួយប្រទេសជប៉ុនកាលពីថ្ងៃទី 10 ខែកញ្ញា កន្លងទៅ។
សម្រាប់បេក្ខភាពគ្រូបង្វឹកថ្មីលោក Julian Nagelsmann បានហត្ថលេខាលើកុងត្រានៃការដឹកនាំក្រុមជម្រើសជាតិរបស់ខ្លួន ដែលមានសុពលភាពរហូតដល់ខែកក្កដា ឆ្នាំ 2024 ហើយគ្រូបង្វឹករូបនេះនឹងទទួលបន្ទុកដឹកនាំក្រុមរយៈពេល 9 ខែមុនពេលប្រទេសអាឡឺម៉ង់ធ្វើជាម្ចាស់ផ្ទះ Euro 2024 ផងដែរ។
ប្រភព: Sportsmole
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
ខ្សែប្រយុទ្ធដ៏ឆ្នើមរបស់ Dortmund បំបែកកំណត់ត្រារបស់ Salah នៅ UCL
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
