បាល់ទាត់អន្តរជាតិ
Barcelona ឈ្នះ Porto 1-0 ទាំងព្រលឹងចុងសក់ (មានវីដេអូ)
ខ្សែប្រយុទ្ធស្លាប Ferran Torres ដែលដំបូងឡើយជាជម្រើសកីឡាករបម្រុង បានក្លាយជាតួអង្គឯកនៅក្នុងការរកគ្រាប់បាល់ជ័យជម្នះរបស់ Barcelona ក្នុងការប្រកួតវគ្គជម្រុះក្នុងពូលនៃក្របខណ្ឌ UEFA Champions League កាលពីរំលងអាធ្រាតយប់មិញនេះ។
ក្លឹបអ្នកមានបុណ្យ Barcelona បានយកឈ្នះក្រុមម្ចាស់ផ្ទះ FC Porto ត្រឹមតែ 1-0 ប៉ុណ្ណោះ។ យ៉ាងណាមិញ Ferran Torres បានប្ដូរចូលជំនួស Robert Lewandowski ដែលរងរបួសកជើង នៅនាទីទី 34 ហើយមិនយូរប៉ុន្មាននៅចុងតង់ទីមួយ កីឡាករសញ្ជាតិអេស្ប៉ាញរូបនេះក៏បានស៊ុតបំប៉ោងសំណាញ់ទីមួយគ្រាប់នោះតែម្ដង។
បន្តពីនោះមក Barcelona មានឱកាសតិចតួចបំផុត ក្នុងការព្យាយាមស៊ុតបន្ថែមទៀត ស្របពេលដែល FC Porto បានតស៊ូប្រយុទ្ធដើម្បីរកគ្រាប់បាល់បានស្មើវិញ។ មិនតែប៉ុណ្ណោះ នៅនាទីទី 90+3 Barcelona បានបាត់បង់សមាជិកម្នាក់របស់ខ្លួនគឺខ្សែបម្រើ Pablo Gavi ដែលទទួលបានកាតលឿងលើកទីពីរស្មើនឹងកាតក្រហម។
លទ្ធផល 1-0 បន្ទាប់ពីការប្រកួតទល់នឹង FC Porto នេះ បានធ្វើឲ្យ Barcelona ឈរនៅកំពូលតារាងក្នុងពូល H ដោយមាន 6 ពិន្ទុពេញ ខណៈដែល Porto នៅតែស្ថិតនៅលេខ 2 ដដែល ជាមួយនឹង 3 ពិន្ទុ នាំមុខក្រុមចំណាត់ថ្នាក់លេខ 3 Shakhtar Donetsk លើគ្រាប់បាល់ស៊ុតបញ្ចូលទី។
ទស្សនាវីដេអូហាយឡាយនៃការប្រកួតខាងក្រោម៖
ប្រភព: Sportsmole
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
