បាល់ទាត់អន្តរជាតិ
David Moyes លើកឡើងថា ពេលនេះ Newcastle United គឺជាក្រុមដ៏ល្អបំផុតមួយនៅតំបន់អឺរ៉ុប
លោក David Moyes ដែលជាគ្រូបង្វឹករបស់ក្លឹបញញួរធំ West Ham United បានចាត់ទុកក្លឹបជាគូប្រជែងនៅក្នុងលីគជាមួយគ្នា Newcastle United ថាជាក្រុមមួយក្នុងចំណោមក្រុមល្អបំផុតផ្សេងទៀតនៅតំបន់អឺរ៉ុប។ យ៉ាងណាមិញ David Moyes បាននិយាយបែបនេះ នៅមុនពេលនៃការប្រកួត Premier League ដែលក្រុមរបស់ខ្លួននឹងត្រូវប៉ះគ្នាជាមួយ Newcastle United នៅថ្ងៃស្អែក។
ជាការពិតណាស់ Newcastle United ដែលកាលពីមុនមិនត្រូវបានគេចាត់ទុកក្នុងកែវភ្នែកនោះ កំពុងរីករាយជាមួយនឹងភាពជោគជ័យរបស់ខ្លួន និងការអភិវឌ្ឍន៍ក្លឹបកាន់តែអស្ចារ្យ ក្នុងរយៈពេលប៉ុន្មានឆ្នាំចុងក្រោយនេះ។ ពួកគេបានដណ្ដើមកៅអី UEFA Champions League ដោយជោគជ័យកាលពីរដូវកាលមុន ដោយបញ្ចប់ក្នុងចំណាត់ថ្នាក់លេខ 4 ក្នុងក្របខ័ណ្ឌ Premier League។
ក្រុមដែលដឹកនាំដោយគ្រូបង្វឹកលោក Eddie Howe ទទួលបាន 4 ពិន្ទុពីការប្រកួតបើកឆាក 2 ប្រកួតនៅ UCL និងកំពុងឈរនៅកំពូលតារាងក្នុងពូល F។ ប្រកួតបើកឆាក Newcastle United បានត្រឹម 0 ស្មើជាមួយ AC Milan ប៉ុន្តែនៅប្រកួតបន្ទាប់ពួកគេបានយកឈ្នះ 4-1 ក្នុងដីរបស់ខ្លួនទៅលើក្រុមខ្លាំងមកពីបារាំង Paris Saint-Germain។
ដោយឡែក West Ham United បច្ចុប្បន្នជាក្លឹបដែលស្ថិតក្នុងកម្រិតល្អបង្គួរមួយ ប៉ុន្តែពួកគេបានបរាជ័យបីលើកចុងក្រោយរបស់ខ្លួន ក្នុងការប្រកួតទល់នឹង Newcastle United ដែលក្នុងនោះក៏មានការបរាជ័យដ៏ធ្ងន់កមួយនៅក្នុងដីរបស់ខ្លួនជាមួយនឹងលទ្ធផល 5-1 ផងដែរ។
មុនក្រុមរបស់ខ្លួនប៉ះគ្នាជាមួយ Newcastle លោក David Moyes បាននិយាយថា៖ “Newcastle នឹងចងចាំជានិច្ចនូវពេលវេលាមួយ ដែលពួកគេជួបជាមួយ PSG។ ខ្ញុំគិតថា ពួកគេគឺជាក្រុមមួយក្នុងចំណោមក្រុមល្អបំផុតនៅអឺរ៉ុបនាពេលបច្ចុប្បន្ន។ ពួកគេមានកីឡាករគុណភាពច្រើន ហើយគ្រូបង្វឹករបស់ពួកគេបានបំពេញការងារយ៉ាងល្អជាមួយក្លឹប…”។
ប្រភព: Sportsmole
-
បាល់ទាត់អន្តរជាតិ2 days ago
Al-Hilal គ្រងតំណែងក្លាយជាម្ចាស់ពានជើងឯកលីគអារ៉ាប៊ីសាអូឌីតប្រចាំឆ្នាំ 2024
-
បាល់ទាត់អន្តរជាតិ1 day ago
Richarlison អាចនឹងចាកចេញទៅអារ៉ាប៊ីសាអូឌីត នៅរដូវក្ដៅនេះ!!!
-
បាល់ទាត់អន្តរជាតិ1 day ago
Pep Guardiola ថា៖ ជម្រើសនៅពេលនេះមានតែមួយគត់ គឺត្រូវឈ្នះ Tottenham Hotspur