បាល់ទាត់អន្តរជាតិ
Newcastle United កំពុងពិចារណាផ្ទេរខ្សែបម្រើ Adrien Rabiot
ក្លឹប Newcastle United ត្រូវបានគេរាយការណ៍ថា កំពុងត្រៀមប្រកួតប្រជែងជាមួយ Manchester United ដើម្បីចុះហត្ថលេខាលើខ្សែបម្រើកណ្តាលរបស់ក្លឹបសេះបង្កង់ Juventus គឺកីឡាករ Adrien Rabiot នៅក្នុងទីផ្សារដោះដូរកីឡាករនាខែមករាខាងមុខ។
កីឡាករវ័យ 28 ឆ្នាំរូបនេះ នៅរក្សាទម្រង់លេងល្អជាធម្មតានៅ Juventus ដូចរដូវកាលមុនដែរ។ នៅរដូវកាលនេះ Adrien Rabiot បានចាប់ផ្តើមការប្រកួតនៅ Serie A ចំនួន 8 ប្រកួតសម្រាប់ក្លឹប ដោយបានរួមចំណែក Assists បាន 2 ដង។ ខ្សែបម្រើឆ្នើមរូបនេះ គឺជាកីឡាករដែល Juventus ទទួលបានពី Paris Saint-Germain ដោយមិនចំណាយប្រាក់ផ្ទេរនៅរដូវក្តៅឆ្នាំ 2019 ហើយចាប់តាំងពីពេលនោះមកគាត់បានបង្ហាញខ្លួនសរុបចំនួន 184 ប្រកួតមកហើយ។
យោងតាមរបាយការណ៍ពី Calciomercato បានឲ្យដឹងថា ក្លឹប Newcastle United ចាប់អារម្មណ៍ក្នុងការនាំយក Adrien Rabiot ស្របពេលដែលពួកគេកំពុងព្យាយាមពង្រឹងនូវទម្រង់លេងរបស់ខ្លួនសម្រាប់ការប្រកួតប្រជែងធំៗបន្ថែមទៀត។ ក្រុមដែលដឹកនាំដោយលោក Eddie Howe កំពុងឈរក្នុងចំណាត់ថ្នាក់លេខ 8 ក្នុងតារាង Premier League ប៉ុន្តែពួកគេកំពុងឈរនៅកំពូលតារាងនៃពូល F ក្នុងក្របខណ្ឌ UEFA Champions League។
ប្រភព: Sportsmole
-
បាល់ទាត់អន្តរជាតិ3 days ago
Chelsea ត្រៀមបើកច្រកផ្លូវឲ្យកីឡាករដែលមានប្រាក់ខែខ្ពស់មួយរូបចាកចេញ នៅរដូវក្ដៅនេះ
-
បាល់ទាត់អន្តរជាតិ3 days ago
Van Dijk គាំទ្រចង់ឲ្យគ្រូបង្វឹករូបនេះ មកដឹកនាំនៅ Liverpool រដូវកាលក្រោយ!!!
-
បាល់ទាត់អន្តរជាតិ3 days ago
កីឡាករសំខាន់ 2 រូបរបស់ Man City នឹងអវត្តមានក្នុងការប្រកួតទល់នឹង Brighton នៅរំលងអាធ្រាតនេះ!!!