បាល់ទាត់អន្តរជាតិ
Nicolo Fagioli របស់ Juventus អាចនឹងរងការពិន័យមិនឲ្យលេងបាល់រយៈពេល 3 ឆ្នាំ
ខ្សែបម្រើ Nicolo Fagioli របស់ក្លឹបសេះ Juventus ត្រូវបានគេរាយការណ៍ថា កំពុងប្រឈមនឹងហានិភ័យនៃការជាប់បម្រាមមិនឲ្យលេងបាល់ទាត់រយៈពេល 3 ឆ្នាំ បន្ទាប់ពីមានការស៊ើបអង្កេតមួយបានចោទប្រកាន់លើកីឡាករសញ្ជាតិអ៊ីតាលីរូបនេះថា បានលេងល្បែងភ្នាល់ដោយខុសច្បាប់។
កីឡាករវ័យ 22 ឆ្នាំរូបនេះបានក្លាយជាកីឡាករសំខាន់សម្រាប់ក្លឹបយក្សអ៊ីតាលីក្នុងរយៈពេលប៉ុន្មានខែថ្មីៗនេះ។ គាត់បានបង្ហាញខ្លួនជាលើកដំបូងជាមួយ Juventus ក្នុងការប្រកួតវគ្គពាក់កណ្ដាលផ្ដាច់ព្រ័ត Coppa Italia ទល់នឹងក្លឹប Spal FC កាលពីខែមករា ឆ្នាំ 2021។
ក្រោយមកទៀត Nicolo Fagioli បានខ្ចីជើងទៅ Cremonese ដែលជាកន្លែងគាត់រីកចម្រើនខ្លាំង ក្នុងរដូវកាល 2022-2023 ដោយបានបង្ហាញខ្លួន 37 ប្រកួត និងស៊ុតបញ្ចូលទីបាន 3 គ្រាប់, Assist 5 ហើយទើបត្រឡប់មក Juventus វិញនៅមុនរដូវកាលថ្មីនេះចាប់ផ្ដើម។
ទោះជាយ៉ាងណាក៏ដោយ ឥឡូវនេះរឿងអាស្រូវបានកើតឡើងដោយរបាយការណ៍ពី La Gazzetta dello Sport បានអះអាងថា Fagioli កំពុងស្ថិតនៅក្រោមការស៊ើបអង្កេតដោយព្រះរាជអាជ្ញានៅទីក្រុង Turin សម្រាប់ការប្រព្រឹត្តិល្បែងភ្នាល់ដោយខុសច្បាប់របស់គាត់។ អ្វីដែលជាការព្រួយបារម្ភខ្លាំងនោះគឺ ប្រសិនបើទោសកំហុសរបស់ Nicolo Fagioli រកឃើញជាក់ស្ដែងពិតប្រាកដមែន នោះគាត់នឹងត្រូវព្យួរអាជីពពីបាល់ទាត់រយៈពេលយូររហូតដល់ 3 ឆ្នាំ។
ប្រភព: Sportsmole
Barcelona កំពុងសម្លឹងមើលជម្រើសនៃការចុះហត្ថលេខាលើខ្សែបម្រើកណ្ដាល Thomas Partey
Barcelona និង Atletico Madrid ចាប់អារម្មណ៍លើខ្សែបម្រើសញ្ជាតិអាមេរិក ដែលកំពុងឡើងជើងខ្លាំង
រឿងរ៉ាវប្លែកៗទាំង 7 យ៉ាង ដែលអ្នកទាំងអស់គ្នាមិនធ្លាប់ដឹងពី Marco Reus
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
