បាល់ទាត់អន្តរជាតិ
គ្រូបង្វឹកក្រុមជម្រើសជាតិអង់គ្លេសប្រាប់អ្នកគាំទ្រកុំឲ្យស្រែកជេរ Jordan Henderson
គ្រូបង្វឹកលោក Gareth Southgate បាននិយាយទៅកាន់អ្នកគាំទ្រអង់គ្លេសដែលស្រែកជេរ Jordan Henderson ក្នុងកំឡុងពេលប្រកួតដែលពួកគេយកឈ្នះ 1-0 ទៅលើអូស្ត្រាលីកាលពីម្សិលមិញ។ គ្រាប់បាល់ស៊ុតបញ្ចូលទីក្នុងតង់ទីពីររបស់ Ollie Watkins គ្រប់គ្រាន់ក្នុងការធ្វើឲ្យក្រុមតោកំណាចអង់គ្លេស ទទួលជ័យជម្នះក្នុងការប្រកួតមិត្តភាពនោះ។
យ៉ាងណាមិញ ក្រុមជម្រើសជាតិអង់គ្លេសនឹងត្រូវប្រកួតជាមួយក្រុមអ៊ីតាលីនៅប្រកួតបន្ទាប់ ដែលជាការប្រកួតជម្រុះ Euro 2024 នៅថ្ងៃអង្គារសប្តាហ៍ក្រោយ។ Jordan Henderson បានបង្ហាញខ្លួនជាជម្រើសដំបូង ក្នុងនាមជាកាពីតែនក្រុមសម្រាប់ការប្រកួតកាលពីម្សិលមិញ ប៉ុន្តែត្រូវបានអ្នកគាំទ្រសើចចំអកនៅពេលដែលគាត់បានប្ដូរចេញនៅដើមតង់ទី 2។
អតីតកីឡាកររបស់ហង្សក្រហម Liverpool រូបនេះ កន្លងមកបានធ្លាក់ចូលទៅក្នុងប្រធានបទនៃការរិះគន់យ៉ាងខ្លាំងពីសហគមន៍ LGBT+ ជុំវិញការសម្រេចចិត្តរបស់គាត់ ក្នុងការផ្ទេរទៅលេងនៅ Saudi Pro League កាលពីដើមរដូវកាលកន្លងទៅ។
ពាក់ព័ន្ធនឹងរឿងនេះដែរ លោក Gareth Southgate បាននិយាយបន្ទាប់ពីការប្រកួតថា៖ “ខ្ញុំពិតជាមិនយល់ពីរឿងនេះទេ។ គាត់ជាកីឡាករដែលខ្ញុំគិតថា បានបង្ហាញខ្លួន 79 ប្រកួតសម្រាប់ប្រទេសអង់គ្លេស ការប្តេជ្ញាចិត្តរបស់គាត់ និងអ្វីដែលគាត់បានផ្តល់ឲ្យក្រុមជម្រើសជាតិពិតជាពិសេសអស្ចារ្យណាស់”។
ប្រភព: Metro
Borussia Dortmund ប្រកាសបង្ហាញឈុតសម្លៀកបំពាក់ថ្មី សម្រាប់ប្រើប្រាស់នៅរដូវកាលក្រោយ
Chelsea បំបែកកំណត់ត្រា ក្លាយជាក្រុមដែលទទួលបានកាតច្រើនសន្លឹកជាងគេបំផុត ក្នុងមួយរដូវកាលនៅ Premier League
N’Golo Kante ត្រូវបានកោះហៅឲ្យចូលក្រុមជម្រើសជាតិបារាំងវិញ បន្ទាប់ពីឃ្លាតឆ្ងាយអស់រយៈពេលជាយូរ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
-
បាល់ទាត់អន្តរជាតិ3 days agoMan City កំពុងស្វែងរកឱកាសលក់ខ្សែប្រយុទ្ធស្លាប Jack Grealish
-
បាល់ទាត់អន្តរជាតិ2 days agoMan United កំពុងរៀបចំសំណើរទិញខ្សែប្រយុទ្ធ Ollie Watkins របស់ Aston Villa
-
បាល់ទាត់អន្តរជាតិ2 days agoAston Villa ដណ្ដើមបានកៅអីលេង UEFA Champions League ជាលើកដំបូង ក្រោយខកខានតាំងពីឆ្នាំ 1983 មក
