បាល់ទាត់អន្តរជាតិ
Neymar អាចនឹងបញ្ចប់អាជីពបាល់ទាត់ ដោយសាររបួស
ថ្ងៃនេះក្លឹប Al Hilal បានប្រកាសបញ្ជាក់ថា Neymar Jr បានរងរបួសរហែក ACL (សរសៃខាងមុខ) និងគន្លាក់ជង្គង់ នៅក្នុងការប្រកួតជម្រុះ World Cup 2026 ទល់នឹងអ៊ុយរូហ្គាយកាលពីម្សិលមិញ។ របួសពីររួមបញ្ចូលគ្នាក្នុងពេលតែមួយបែបនេះ គឺជារបួសដែលអាចឲ្យកីឡាករឆ្នើមរូបនេះបញ្ចប់អាជីពពីបាល់ទាត់ទៀតផង។
យ៉ាងណាមិញ រឿងដំបូងបំផុតដែល Neymar Jr ត្រូវប្រឈមនោះគឺគាត់នឹងត្រូវខកខានយ៉ាងហោចណាស់ពេញមួយរដូវកាលនេះ ដោយមិនអាចបង្ហាញខ្លួននៅលើទីលានប្រកួតបានសម្រាប់ការប្រកួតរបស់ក្លឹបអារ៉ាប៊ីសាអូឌីត Al Hilal។ ដូចគ្នានេះដែរ ខ្សែប្រយុទ្ធសញ្ជាតិប្រេស៊ីលរូបនេះ នឹងត្រូវទទួលការវះកាត់ផងដែរ។
នៅក្នុងការប្រកួតដែលក្រុមជម្រើសជាតិប្រេស៊ីលបានចាញ់អ៊ុយរូហ្គាយ 2-0 Neymar បានរងរបួសនៅចុងតង់ទីមួយនាទីទី 45+4។ Neymar Jr បានស្រក់ទឹកភ្នែកបន្ទាប់ពីរូបគេបានរងរបួសដ៏អាក្រក់នេះ ហើយកីឡាករវ័យ 31 ឆ្នាំរូបនេះ ត្រូវបានរថយន្តសង្គ្រោះដឹកចេញពីទីលានប្រកួត ដោយគាត់មិនអាចដើរខ្លួនឯងបាន។
ប្រភព: GOAL
Thomas Tuchel បើកចិត្តក្នុងការចង់មកដឹកនាំនៅបិសាចក្រហម
Thiago Silva សម្រេចចិត្តវិលត្រឡប់ទៅលេងនៅប្រទេសកំណើតរបស់ខ្លួនវិញ
សង្គ្រាមដណ្ដើមចំណាត់ថ្នាក់លេខ 2 រវាង Girona និង Barcelona នៅយប់នេះ!!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
