បាល់ទាត់អន្តរជាតិ
ហ៊ានណាស់! ក្លឹបនៅអារ៉ាប៊ីសាអូឌីត នឹងព្យាយាមដាក់លុយធំ ដើម្បីឲ្យ Real Madrid លក់កីឡាករឆ្នើមរូបនេះ ទៅឲ្យពួកគេ
របាយការណ៍ចុងក្រោយមួយបានឲ្យដឹងថា ក្លឹបធំៗមួយចំនួននៅ Saudi Pro League (SPL) កំពុងមានបំណងចង់ទាក់ទាញ Vinicius Jr ឲ្យចាកចេញពី Real Madrid នៅចុងបញ្ចប់រដូវកាលនេះ ដើម្បីចូលរួមជាមួយក្លឹបរបស់ខ្លួន។ យោងតាមគេហទំព័រ Fichajes.net បានឲ្យដឹងថា ក្លឹបនៅលីគ SPL បានកំណត់គោលដៅលើតារាឆ្នើមសញ្ជាតិប្រេស៊ីលរូបនេះ បន្ទាប់ពីរបួសរបស់ Neymar Jr។
Vinicius Jr មិនមែនជាគោលដៅនៃការទៅជំនួសតំណែងរបស់ Neymar នៅ Al Hilal នោះទេ តែពួកគេចង់ចុះហត្ថលេខាលើកីឡាករវ័យ 23 ឆ្នាំរូបនេះ ដើម្បីបង្កើនប្រជាប្រិយភាពលីគកំពូលរបស់ពួកគេឲ្យកាន់តែខ្លាំងជាងមុន។ ក្លឹប Al-Ahli គឺជាក្លឹបមួយក្នុងចំណោមក្លឹបជាច្រើនទៀតដែលចង់បាន Vinicius Jr។
កន្លងមកក្លឹប Al-Ahli ធ្លាប់បានចុះហត្ថលេខាលើកីឡាករឆ្នើមៗជាច្រើនផងដែរដូចជា Riyad Mahrez, Roberto Firmino និង Franck Kessie ជាដើម។ ទោះជាយ៉ាងណាក៏ដោយ Al-Ahli អាចនឹងប្រកួតប្រជែងជាមួយក្លឹបផ្សេងៗទៀតនៅអារ៉ាប៊ីសាអូឌីតដែលចង់បាន Vinicius Jr ដូចគ្នា។ ពួកគេត្រូវបានគេរំពឹងថា នឹងដាក់សំណើរដេញថ្លៃដ៏ធំមួយ ដើម្បីបញ្ចុះបញ្ចូល Real Madrid ឲ្យចែកផ្លូវជាមួយខ្សែប្រយុទ្ធស្លាបរូបនេះ នៅរដូវក្តៅឆ្នាំក្រោយ។
យើងមិនដឹងថា ទឹកប្រាក់ប៉ុណ្ណា ទើប Real Madrid ព្រមលក់កីឡាកររូបនេះឡើយ ប៉ុន្ត Vinicius Jr ដែលទើបតែបានចុះកុងត្រាបន្តរហូតដល់ខែមិថុនា ឆ្នាំ 2028 នៅ Santiago Bernabeu បច្ចុប្បន្នមានលក្ខខណ្ឌដោះលែងរហូតដល់ 1 ពាន់លានអឺរ៉ូឯណោះ។
ប្រភព: Sportskeeda
-
បាល់ទាត់អន្តរជាតិ2 days ago
Al-Hilal គ្រងតំណែងក្លាយជាម្ចាស់ពានជើងឯកលីគអារ៉ាប៊ីសាអូឌីតប្រចាំឆ្នាំ 2024
-
បាល់ទាត់អន្តរជាតិ17 hours ago
Richarlison អាចនឹងចាកចេញទៅអារ៉ាប៊ីសាអូឌីត នៅរដូវក្ដៅនេះ!!!
-
បាល់ទាត់អន្តរជាតិ15 hours ago
Pep Guardiola ថា៖ ជម្រើសនៅពេលនេះមានតែមួយគត់ គឺត្រូវឈ្នះ Tottenham Hotspur