បាល់ទាត់អន្តរជាតិ
Man City ឈរក្នុងគោលជំហរច្បាស់លាស់ មិនលក់ Julian Alvarez ទៅឲ្យក្លឹបណាទាំងអស់ សូម្បីតែ Real Madrid
ក្លឹបមេឃខៀវ Manchester City ត្រូវបានគេរាយការណ៍ថា បានត្រៀមខ្លួនរួចជាស្រេច ដើម្បីបដិសេធចំពោះក្លឹបផ្សេងៗដែលចង់បាន Julian Alvarez ស្របពេលដែលខ្សែប្រយុទ្ធរូបនេះ កំពុងទាក់ទាញភ្នែកពីក្លឹបយក្សអេស្ប៉ាញ 2 គឺ Barcelona និង Real Madrid។
កីឡាករវ័យ 23 ឆ្នាំរូបនេះ គឺជាកីឡាករម្នាក់ ក្នុងចំណោមកីឡាករដែលកំពុងឡើងជើងផ្សេងទៀត ខណៈដែលនៅរដូវកាលថ្មីនេះ គាត់បានរួមចំណែកស៊ុតបញ្ចូលទីបាន 4 គ្រាប់ និងបញ្ជូនបាល់ឲ្យមិត្តរួមក្រុមបានចំនួន 3 ដងមកហើយ ក្នុងការបង្ហាញខ្លួន 9 ប្រកួត ក្នុងក្របខ័ណ្ឌ Premier League។
Alvarez ជាខ្សែប្រយុទ្ធដែលស្ថិតនៅក្រោយជម្រើសរបស់ Erling Haaland ប៉ុន្តែស្ថិតិនៃការបង្កើតឱកាស និងការរកគ្រាប់បាល់របស់គាត់ ស្ទើរតែល្អជាង Haaland ទៅទៀត។ ជាក់ស្ដែងកាលពីពេលថ្មីៗនេះក្នុងជំនួបជាមួយ Brighton ខ្សែប្រយុទ្ធសញ្ជាតិអាហ្សង់ទីនរូបនេះបានស៊ុតបាល់បើកឆាកសម្រាប់ Man City ដោយចំណាយពេលត្រឹមតែ 7 នាទីប៉ុណ្ណោះ បន្ទាប់ពីចាប់ផ្ដើមការប្រកួត។
បែរងាកមកមើលការបង្ហាញខ្លួនជាមួយក្រុមជម្រើសជាតិវិញ កីឡាករវ័យក្មេងរូបនេះ នៅតែមានទម្រង់លេងដ៏ល្អ និងក្លាយជាជម្រើសសំខាន់របស់អាហ្សង់ទីន ដោយដណ្ដើមកៅអីជាជម្រើសដំបូងពី Lautaro Martinez ថែមទៀតផង។ Julian Alvarez ក៏ជាកូនសោរដ៏សំខាន់ក្នុងការលើកពាន World Cup របស់ក្រុមពពកសអាហ្សង់ទីនផងដែរ កាលពីឆ្នាំមុន។
យោងតាមសារព៌តមាន Football Insider បានឲ្យដឹងថា Manchester City មានទំនុកចិត្តទៅលើទម្រង់លេងដែលល្អកាន់តែខ្លាំងពីមួយប្រកួតទៅមួយប្រកួតរបស់ Alvarez ហើយពួកគេនៅតែរក្សាជំហរក្នុងការបដិសេធក្លឹបធំៗមួយចំនួនដែលកំពុងចង់បានខ្សែប្រយុទ្ធឆ្នើមរូបនេះ។ គេបានដឹងថា Julian Alvarez កំពុងស្ថិតក្នុងការពេញចិត្តយ៉ាងខ្លាំងពីសំណាក់ក្លឹបយក្សនៅ La Liga គឺ Real Madrid និង Barcelona ដោយក្លឹបទាំង 2 នេះចង់នាំយកគេទៅទឹកដីអេស្ប៉ាញនៅក្នុងឆ្នាំ 2024។
ប្រភព: Sportsmole
Barcelona កំពុងសម្លឹងមើលជម្រើសនៃការចុះហត្ថលេខាលើខ្សែបម្រើកណ្ដាល Thomas Partey
Barcelona និង Atletico Madrid ចាប់អារម្មណ៍លើខ្សែបម្រើសញ្ជាតិអាមេរិក ដែលកំពុងឡើងជើងខ្លាំង
រឿងរ៉ាវប្លែកៗទាំង 7 យ៉ាង ដែលអ្នកទាំងអស់គ្នាមិនធ្លាប់ដឹងពី Marco Reus
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
