បាល់ទាត់អន្តរជាតិ
Man City ចាប់អារម្មណ៍ខ្លាំងលើ Warren Zaire-Emery របស់ PSG
ក្លឹបមេឃខៀវ Manchester City ត្រូវបានគេរាយការណ៍ថា នៅតែរក្សាចិត្ត និងក្តីសង្ឃឹមរបស់ខ្លួន ក្នុងការចាប់អារម្មណ៍ចង់បានកីឡាករឆ្នើមរបស់ក្លឹប Paris Saint-Germain គឺខ្សែបម្រើ Warren Zaire-Emery ស្របពេលដែលកីឡាករវ័យ 17 ឆ្នាំរូបនេះ កំពុងត្រៀមចរចាកុងត្រាថ្មីជាមួយក្លឹបបច្ចុប្បន្នរបស់ខ្លួនផងដែរ។
យ៉ាងណាមិញ ខ្សែបម្រើដែលកើតក្នុងឆ្នាំ 2006 រូបនេះ បានចាប់ផ្ដើមលេចធ្លោរយ៉ាងខ្លាំង ចាប់តាំងពីគាត់ត្រូវបានប្រូម៉ូតឡើងមកលេងជាមួយក្រុមឈុតធំរបស់ក្លឹបក្នុងឆ្នាំ 2022។ ក្នុងនាមជាខ្សែបម្រើកណ្ដាលដ៏ល្អមួយរូបរបស់ PSG កីឡាករវ័យក្មេងសញ្ជាតិបារាំងរូបនេះបង្ហាញខ្លួនសរុប 42 ប្រកួតមកហើយ។
Zaire-Emery បានក្លាយជាកីឡាករក្មេងបំផុតក្នុងប្រវត្តិសាស្ត្ររបស់ PSG ក្នុងការប្រកួតទល់នឹង Clermont នៅថ្ងៃបើកការប្រកួត Ligue 1 កាលពីឆ្នាំមុន ដោយពេលនោះគាត់មានអាយុ 16 ឆ្នាំ 4 ខែ និង 29 ថ្ងៃ។ ជាមួយនឹងទេពកោសល្យដែលត្រូវបានគេមើលឃើញថា នឹងក្លាយជាតារាឆ្នើមមួយរូបនេះពេលអនាគតនោះ ក្លឹបធំៗជាច្រើនបានចាប់អារម្មណ៍លើ Zaire-Emery ខណៈដែល PSG ក៏ត្រៀមខ្លួនដើម្បីចងជើងគាត់ដោយចរចាបន្តកុងត្រាថ្មីផងដែរ។
កុងត្រាបច្ចុប្បន្នរបស់ Warren Zaire-Emery មានសុពលភាពដល់ ថ្ងៃទី 30 ខែមិថុនា ឆ្នាំ 2025 ហើយក្លឹបម្ចាស់ជើងឯករបស់អង់គ្លេស Manchester City ត្រូវបានគេដឹងថា កំពុងចាប់អារម្មណ៍ខ្លាំងចង់នាំយកគាត់ទៅទឹកដីអង់គ្លេស។ យោងទៅតាមរបាយការណ៍ពី Sport Zone បានអះអាងថា Man City កំពុងពិចារណាផ្ទេរ Zaire-Emery ស្របពេលដែលក្លឹបម្ចាស់ជើងឯកអាឡឺម៉ង់ Bayern Munich ក៏ពេញចិត្តនឹងកីឡាករសញ្ជាតិបារាំងរូបនេះដែរ។
ប្រភព: Sportsmole
-
បាល់ទាត់អន្តរជាតិ1 day ago
Al-Hilal គ្រងតំណែងក្លាយជាម្ចាស់ពានជើងឯកលីគអារ៉ាប៊ីសាអូឌីតប្រចាំឆ្នាំ 2024
-
បាល់ទាត់អន្តរជាតិ2 days ago
ក្រៅពី Messi និង Ronaldo ឥឡូវ Garnacho ហៅកីឡាកររូបនេះថា ជាកីឡាករល្អបំផុតក្នុងពិភពបាល់ទាត់
-
បាល់ទាត់អន្តរជាតិ2 days ago
ក្លឹបធំៗជាច្រើន កំពុងចាប់អារម្មណ៍លើខ្សែការពារប្រេស៊ីលវ័យ 17 ឆ្នាំ