បាល់ទាត់អន្តរជាតិ
Pep Guardiola ប្រៀបធៀបកូនក្រុមរបស់ខ្លួនរូបនេះ ទៅនឹង Lionel Messi
គ្រូបង្វឹករបស់មេឃខៀវ Manchester City លោក Pep Guardiola បានប្រៀបធៀបខ្សែបម្រើប្រយុទ្ធ Bernardo Silva ទៅនឹងតារាឆ្នើម Lionel Messi បន្ទាប់ពីក្រុមរបស់គាត់បានយកឈ្នះ 6-1 ទៅលើ Bournemouth។ យ៉ាងណាមិញ នៅក្នុងជ័យជំនះនោះ Bernardo Silva បានស៊ុតបាល់បញ្ចូលទី 2 គ្រាប់ផងដែរ។
ក្រោយពីបានយកឈ្នះក្រុមភ្ញៀវ Bournemouth ជាមួយនឹងលទ្ធផលដ៏ច្រើនក្រាស់ក្រែលនេះដែរ Man City ដែលជាក្រុមការពារតំណែងជើងឯកលីគ បានហក់ទៅឈរនៅកំពូលតារាងនៃក្របខណ្ឌ Premier League បណ្ដោះអាសន្ន ដោយមាន 27 ពិន្ទុ។ នៅថ្ងៃពុធសប្ដាហ៍ក្រោយ ពួកគេនឹងមានការប្រកួតបន្តទៀត ដែលជាការប្រកួតក្របខណ្ឌ UCL វិញម្ដង ទល់នឹងក្លឹប Young Boys។
ដោយឡែកថ្លែងបន្ទាប់ពីការប្រកួតបញ្ចប់ទៅ លោក Pep Guardiola បាននិយាយថា គ្រាប់បាល់ទី 2 របស់ Silva គឺស្រដៀងនឹងអ្វីដែល Messi តែងតែបានស៊ុតបញ្ចូលទីជាច្រើនដងកន្លងមក។ គ្រូបង្វឹករូបនេះបានប្រាប់ BBC MOTD ថា៖ “គាត់ (Silva) ជាកីឡាករដ៏អស្ចារ្យម្នាក់ គាត់បានស៊ុតបាល់បញ្ចូលទី 2 គ្រាប់។ ការស៊ុតបញ្ចូលទីគ្រាប់បាល់ទីពីរមើលទៅដូច Messi ហើយ Messi ធ្លាប់ធ្វើបានបែបនេះជាច្រើនដង។ គ្រប់គ្នាសប្បាយចិត្តណាស់ដែលមានគាត់នៅទីនេះជាមិត្តរួមក្រុម”។
ប្រភព: Dailypost NG
-
បាល់ទាត់អន្តរជាតិ2 days ago
Al-Hilal គ្រងតំណែងក្លាយជាម្ចាស់ពានជើងឯកលីគអារ៉ាប៊ីសាអូឌីតប្រចាំឆ្នាំ 2024
-
បាល់ទាត់អន្តរជាតិ16 hours ago
Richarlison អាចនឹងចាកចេញទៅអារ៉ាប៊ីសាអូឌីត នៅរដូវក្ដៅនេះ!!!
-
បាល់ទាត់អន្តរជាតិ3 days ago
ក្លឹបធំៗជាច្រើន កំពុងចាប់អារម្មណ៍លើខ្សែការពារប្រេស៊ីលវ័យ 17 ឆ្នាំ