បាល់ទាត់អន្តរជាតិ
ថ្នាក់លើរបស់ក្លឹបហង្សក្រហម Liverpool បានហោះទៅប្រេស៊ីល ដើម្បីចរចាផ្ទេរខ្សែការពារឆ្នើមមួយរូបរបស់ក្លឹប Sao Paulo
ថ្នាក់លើរបស់ក្លឹបហង្សក្រហម Liverpool ត្រូវបានគេរាយការណ៍ថា បានបញ្ជូនគណៈប្រតិភូរបស់ខ្លួនទៅប្រទេសប្រេស៊ីល ដើម្បីពិភាក្សាជាមួយក្លឹប Sao Paulo ជុំវិញការផ្ទេរខ្សែការពារកណ្តាលមួយរូបគឺកីឡាករ Lucas Beraldo ដែលមានវ័យ 19 ឆ្នាំ។
ខ្សែការពារដែលមានកម្ពស់ 1.86 ម៉ែត្ររូបនេះ បានបង្កើតភាពលេចធ្លោរកាន់តែខ្លាំង ចាប់តាំងពីបានចាកចេញពីឈុតយុវជនរបស់ក្លឹប Piracicaba ក្នុងឆ្នាំ 2020។ Lucas Beraldo លេងជាមួយ Sao Paulo U-20 ត្រឹមតែ 2 រដូវកាលប៉ុណ្ណោះ ហើយត្រូវបានក្លឹប ប្រូម៉ូតឡើងមកលេងជាមួយឈុតធំ ជាផ្លូវការណ៍កាលពីឆ្នាំមុន។
ថ្វីត្បិតតែគាត់មានអាយុតិចក៏ដោយ ខ្សែការពារសញ្ជាតិប្រេស៊ីលរូបនេះ បានបង្ហាញខ្លួនរហូតដល់ 48 ប្រកួតមកហើយគិតចាប់តាំងពីរដូវកាលមុនដល់រដូវកាលនេះ។ កុងត្រារបស់ Beraldo ជាមួយ Sao Paulo មានសុពលភាពរហូតរដូវក្តៅឆ្នាំ 2026 ប៉ុន្តែក្លឹបយក្សប្រេស៊ីលមួយនេះ ហាក់មិនអាចរក្សាទុកគាត់បន្តទៀតឡើយ ខណៈដែលក្លឹបធំៗជាច្រើនកំពុងតម្រង់ជួរគ្នាដើម្បីដាក់សំណើរផ្ទេរខ្សែការពារឆ្នើមរូបនេះ។
របាយការណ៍ថ្មីៗនេះបានអះអាងថា Liverpool កំពុងក្លាយជាបេក្ខភាពដែលបានតាមដានយ៉ាងយកចិត្តទុកដាក់លើការបង្ហាញសមត្ថភាពក្មេងជំទង់រូបនេះ ហើយបើយោងតាមកាសែត The Sun បានអះអាងថា ហង្សក្រហម ថែមទាំងបានបញ្ជូនអ្នកតំណាងរបស់ពួកគេឲ្យហោះហើរទៅកាន់ប្រទេសប្រេស៊ីលផ្ទាល់ទៀតផង។
ប្រភព: Sportsmole
AC Milan ចង់ចុះហត្ថលេខាលើខ្សែប្រយុទ្ធឆ្នើម Ollie Watkins
Marco Verratti ទាក់ទងចង់ផ្ទេរមកចូលរួមជាមួយ Barcelona នៅរដូវក្ដៅនេះ!!!
Barcelona កំពុងរកឱកាសលក់ Ansu Fati និង Lenglet ទៅឲ្យក្លឹបនៅអារ៉ាប៊ីសាអូឌីត
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
