បាល់ទាត់អន្តរជាតិ
ខ្សែប្រយុទ្ធមួយរូបរបស់ហង្សក្រហម Liverpool សារភាពថា គាត់តែងតែមើល Ronaldo ដើម្បីលើកទឹកចិត្តខ្លួនឯង
កីឡាករ Diogo Jota ដែលជាខ្សែប្រយុទ្ធរបស់ក្លឹបហង្សក្រហម Liverpool បានអះអាងថា គាត់តែងតែសម្លឹងមើលទៅកាន់កាពីតែនក្រុមរបស់ក្លឹប Al-Nassr សម្រាប់ការបំផុសគំនិត និងលើកទឹកចិត្តចំពោះខ្លួនឯង។ យ៉ាងណាមិញ ថ្វីត្បិតតែ Cristiano Ronaldo និង Diogo Jota មិនធ្លាប់លេងក្នុងក្លឹបជាមួយគ្នា ប៉ុន្តែអ្នកទាំងពីរជាមិត្តរួមក្រុមជម្រើសជាតិព័រទុយហ្គាល់ដូចគ្នា។
ខ្សែប្រយុទ្ធឆ្នើម Cristiano Ronaldo មានស្ថិតិនៃការស៊ុតបញ្ចូលទីបានជាង 200 គ្រាប់ សម្រាប់ក្លឹប និងប្រទេស ខណៈដែលគាត់បានឈានចូលដល់អាយុ 30 ឆ្នាំផ្លាយ ទៅហើយក្ដី។ អតីតកីឡាកររបស់ក្លឹប Real Madrid រូបនេះមានកំណត់ត្រាឈ្នះពាន UCL រហូតដល់ 5 ដង, Ballon d’Or 5 ដង និងពានរង្វាន់ធំៗជាច្រើនទៀត។
ជាក់ស្ដែង Diogo Jota បានសរសើរមិនដាច់ពីមាត់ចំពោះ Cristiano Ronaldo ដោយនិយាយថា៖ “អ្នកមានថាមពលច្រើនពេលអ្នកនៅក្មេង ប៉ុន្តែអ្នកនៅតែបានកសាងកំហុសជាច្រើន ហើយអ្នកតែងតែរៀនសូត្រជាមួយនឹងបទពិសោធន៍ថ្មីៗ។ ជាឧទាហរណ៍ ខ្ញុំតែងតែសម្លឹងមើលទៅ Ronaldo ហើយខ្ញុំគិតថា គាត់បានស៊ុតបញ្ចូលទីបានច្រើនជាងមុន ចាប់តាំងពីគាត់មានអាយុលើសពី 30 ឆ្នាំ។ ដូច្នេះហើយមានន័យថា យើងក៏អាចធ្វើវាបានដែរ”។
ប្រភព: Dailypost NG
-
បាល់ទាត់អន្តរជាតិ2 days ago
គ្រូ PSG ប្រាប់ឲ្យក្លឹបរបស់ខ្លួនបន្តកុងត្រាថ្មីបន្ថែមទៀតដល់ Vitinha
-
បាល់ទាត់អន្តរជាតិ3 days ago
ខ្លះៗអំពីការប្រកួតរវាង Bayern Munich និង Real Madrid នៅរំលងអាធ្រាតនេះ!!!
-
បាល់ទាត់អន្តរជាតិ2 days ago
Vinicius Jr ស៊ុត 2 គ្រាប់ម្នាក់ឯង ជួយ Real Madrid ឲ្យស្មើក្នុងដី Bayern Munich (មានវីដេអូ)