បាល់ទាត់អន្តរជាតិ
Robert Lewandowski អាចនឹងត្រឡប់ទៅកាន់អតីតក្លឹបចាស់របស់ខ្លួនវិញ
ខ្សែប្រយុទ្ធឆ្នើមសញ្ជាតិប៉ូឡូញ Robert Lewandowski របស់ក្លឹប Barcelona អាចនឹងចាកចេញពីក្លឹបបច្ចុប្បន្នរបស់ខ្លួននៅក្នុងទីផ្សារដោះដូរកីឡាកររដូវក្តៅនេះ (បើយោងតាមរបាយការណ៍ដែលចុះផ្សាយដោយ Todofichajes)។ គេកត់សម្គាល់ឃើញថា ក្លឹបយក្សកាតាឡាន់ Barcelona មិនមានបំណងចែកផ្លូវជាមួយ Lewandowski ឡើយ ប៉ុន្តែខ្សែប្រយុទ្ធរូបនេះ ហាក់កំពុងមិនពេញចិត្តជាមួយនឹងទម្រង់លេង ក៏ដូចជាផែនការអនាគតរបស់ក្លឹប។
យោងតាមប្រភពដដែលបានបន្ថែមទៀតថា ខ្សែប្រយុទ្ធវ័យ 35 ឆ្នាំរូបនេះ នឹងចាកចេញពី Barcelona ហើយអាចនឹងបន្តអាជីពរបស់ខ្លួននៅអារ៉ាប៊ីសាអូឌីត សហរដ្ឋអាមេរិក រឺអាឡឺម៉ង់។ សម្រាប់ក្លឹបអាឡឺម៉ង់ គាត់អាចនឹងត្រឡប់ទៅអតីតក្លឹបចាស់ Borussia Dortmund វិញ ខណៈដែលពួកគេក៏មានលទ្ធភាពនៃចុះហត្ថលេខានាំយក Robert Lewandowski ទៅវិញផងដែរ។
គួររំលឹកផងដែរថា Robert Lewandowski បានផ្លាស់ទៅ Barcelona ដោយផ្ទេរពី Bayern Munich នៅរដូវក្តៅឆ្នាំ 2022។ ក្នុងរដូវកាលដំបូងជាមួយ Barcelona គាត់បានបង្ហាញខ្លួន 60 ប្រកួត ដោយស៊ុតបញ្ចូលទីបាន 41 គ្រាប់ និង Assists 12 ដង។ ពេលចប់រដូវកាលមុន Lewandowski បានឈ្នះពាន LaLiga ជាមួយក្លឹប និងបានឈ្នះស្បែកជើងមាសជាកីឡាករដែលស៊ុតបញ្ចូលទីបានច្រើនជាងគេក្នុងលីគកំពូលនៃប្រទេសអេស្ប៉ាញទៀតផង។
ប្រភព: Telecomasia
កំពុងឡើងជើងខ្លាំង និងត្រូវបានក្លឹបធំៗចាប់អារម្មណ៍ផងនោះ កីឡាកររូបនេះបែរជាត្រូវសម្រាកពីបាល់ទាត់រយៈពេល 1 ឆ្នាំ
Inter Miami កំពុងចរចាផ្ទេរមិត្តរួមក្រុមជម្រើសជាតិអាហ្សង់ទីនរបស់ Messi
Michael Owen អះអាងថា រវាង Real Madrid និង Bayern Munich នឹងមានមួយក្រុម ដែលឈ្នះពាន UCL រដូវកាលនេះ!!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
