បាល់ទាត់អន្តរជាតិ
Man United ត្រៀមបញ្ចេញកីឡាករមួយចំនួន ដើម្បីទទួលបានប្រាក់ 80 លានផោន
ក្លឹបបិសាចក្រហម Manchester United ត្រូវបានគេរាយការណ៍ថា បានត្រៀមខ្លួនដើម្បីបញ្ចេញកីឡាករចំនួន 6 នាក់ នៅខែមករាដើមឆ្នាំក្រោយ ខណៈដែលពួកគេសង្ឃឹមថា ការលក់កីឡាករទាំងនោះ នឹងអាចទទួលបានជាង 80 លានផោន។
ភាគច្រើនកីឡាករចំណូលថ្មី និងការរុះរើក្រុមឡើងវិញរបស់ Manchester United កាលពីរដូវក្ដៅកន្លងទៅលោក Erik ten Hag បានផ្ដោតលើការត្រៀមវាយលុកនៅ UEFA Champions League និង EFL Cup។ ទោះជាយ៉ាងណាក៏ដោយ ពួកគេបានបរាជ័យនៅក្នុងការប្រកួតប្រជែងពានទាំងអស់នេះ ខណៈដែលបច្ចុប្បន្នបិសាចក្រហមក៏កំពុងឈរនៅចំណាត់ថ្នាក់លេខ 8 ក្នុងតារាង Premier League។
ទោះជាយ៉ាងណាក៏ដោយ ពេលនេះរបាយការណ៍ពី Football Insider បានឲ្យដឹងថា បិសាចក្រហមនឹងសម្លឹងមើលការលក់កីឡាករចំនួន 6 នាក់នៅក្នុងឆ្នាំថ្មីខាងមុខ ដើម្បីរក្សាតុល្យភាពនៃច្បាប់ FFP របស់ Premier League។ គេជឿថា Raphael Varane និង Casemiro ជាកីឡាករដែលស្ថិតក្នុងចំណោមអ្នកដែលអាចចាកចេញពីបិសាចក្រហម ក្នុងខែមករា ខាងមុខ ស្របពេលដែល Anthony Martial និង Christian Eriksen ក៏ដូចគ្នា។
ផ្សេងពីនេះទៀត សម្រាប់កីឡាករដែលមានភាគរយច្បាស់បំផុតគឺ Donny van de Beek និង Jadon Sancho ដែលជាកីឡាករមិនសូវបានលេង និងមានរឿងរកាំរកូសជាមួយក្លឹប។
ប្រភព: Sportsmole
-
បាល់ទាត់អន្តរជាតិ3 days ago
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
-
បាល់ទាត់អន្តរជាតិ3 days ago
បិសាចក្រហមនឹងបញ្ចប់ការងារជាគ្រូបង្វឹករបស់ Erik ten Hag នៅចុងរដូវកាលនេះ!!!
-
បាល់ទាត់អន្តរជាតិ3 days ago
ម្ចាស់ពាន World Cup 2018 ត្រៀមចូលនិវត្តន៍ពីបាល់ទាត់