បាល់ទាត់អន្តរជាតិ
Man City ត្រៀមចាយលុយច្រើនជាង 20 លានអឺរ៉ូ ដើម្បីចុះហត្ថលេខាលើ Claudio Echeverri
យោងតាមរបាយការណ៍ចុងក្រោយមួយពីអ្នកកាសែតល្បីឈ្មោះលោក Fabrizio Romano បានឲ្យដឹងថា ក្លឹបមេឃខៀវ Manchester City កំពុងឈានទៅដល់ដំណាក់កាលចុងក្រោយនៃការឈានដល់កិច្ចព្រមព្រៀង Claudio Echeverri ដែលបច្ចុប្បន្នកំពុងប្រកបអាជីពជាមួយក្លឹប River Plate។
យ៉ាងណាមិញ ការរៀបចំផែនការនៃការផ្ទេរខ្សែបម្រើប្រយុទ្ធសញ្ជាតិអាហ្សង់ទីនដ៏មានទេពកោលស្យ Claudio Echeverri ត្រូវបានគេដឹងថា មានទម្រង់ស្រដៀងគ្នាជាមួយនឹងពេលដែល Man City នាំយក Julian Alvarez ពី River Plate កាលពីប៉ុន្មានឆ្នាំមុនដែរ។
កីឡាករវ័យ 17 ឆ្នាំ Claudio Echeverri កំពុងមានទម្រង់លេងលេចធ្លោរយ៉ាងខ្លាំង ជាពិសេសពេលដែលគាត់បង្ហាញខ្លួននៅក្នុងក្រុមជម្រើសជាតិអាហ្សង់ទីន សម្រាប់ព្រឹត្តិការណ៍ World Cup U-17។ គេបានដឹងថា Man City នឹងមានកញ្ចប់ថវិការដែលអាចចំណាយលើសពី 20 លានអឺរ៉ូ ដើម្បីអាចចុះហត្ថលេខាលើ Claudio Echeverri ហើយពួកគេនឹងឲ្យគាត់បន្តខ្ចីជើងនៅ River Plate បន្តទៀត ដើម្បីពង្រឹងសមត្ថភាពបន្ថែម ដូចទៅនឹងការដែលពួកគេធ្លាប់ធ្វើបែបនេះចំពោះ Julian Alvarez ដែរ។
ប្រភព: Fabrizio Romano
-
បាល់ទាត់អន្តរជាតិ2 days ago
Al-Hilal គ្រងតំណែងក្លាយជាម្ចាស់ពានជើងឯកលីគអារ៉ាប៊ីសាអូឌីតប្រចាំឆ្នាំ 2024
-
បាល់ទាត់អន្តរជាតិ21 hours ago
Richarlison អាចនឹងចាកចេញទៅអារ៉ាប៊ីសាអូឌីត នៅរដូវក្ដៅនេះ!!!
-
បាល់ទាត់អន្តរជាតិ19 hours ago
Pep Guardiola ថា៖ ជម្រើសនៅពេលនេះមានតែមួយគត់ គឺត្រូវឈ្នះ Tottenham Hotspur