បាល់ទាត់អន្តរជាតិ
Chelsea ត្រៀមប្រជែងយកខ្សែការពារកណ្ដាល Jean-Clair Todibo
ក្លឹបតោខៀវ Chelsea នឹងប្រជែងជាមួយក្លឹបជាគូប្រជែងរបស់ខ្លួននៅ Premier League គឺ Manchester United និង Tottenham Hotspur សម្រាប់ការព្យាយាមចុះហត្ថលេខាលើខ្សែការពារ Jean-Clair Todibo របស់ក្លឹប Nice។ យោងតាមរបាយការណ៍ពី Foot Mercato បានឲ្យដឹងថា ក្លឹបតោខៀវ Chelsea បានទាក់ទងជាមួយ Todibo ជុំវិញលទ្ធភាពនៃការនាំយកកីឡាករឆ្នើមរូបនេះទៅ Stamford Bridge។
គេបានដឹងថា លោក Mauricio Pochettino ដែលជាគ្រូបង្វឹករបស់ក្លឹបមិនពេញចិត្តនឹងជម្រើសខ្សែការពាររបស់គាត់បច្ចុប្បន្នឡើយ ហើយនឹងព្យាយាមស្វែងរកបេក្ខភាពខ្សែការពារចំណូលថ្មីបន្ថែមទៀតនៅដើមឆ្នាំនេះ។ ទន្ទឹមនឹងនេះដែរ Todibo ត្រូវបានគេប៉ាន់ស្មានជាយូរមកហើយថា នឹងផ្ទេរទៅកាន់ទឹកដី Premier League បន្ទាប់ពីគាត់បានក្លាយជាខ្សែការពារកណ្តាលវ័យក្មេងដ៏ល្អបំផុតម្នាក់ប្រចាំ Ligue 1 របស់បារាំង។
កាលពីរដូវក្ដៅកន្លងទៅ ក្លឹបបិសាចក្រហម Manchester United មានទំនាក់ទំនងយ៉ាងជិតស្និទ្ធជាមួយកីឡាករសញ្ជាតិបារាំងរូបនេះ ប៉ុន្តែកិច្ចព្រមព្រៀងមិនបានសម្រេចឡើយ បន្ទាប់ពីពួកគេបានបរាជ័យក្នុងលក់ចេញ Harry Maguire។ ដូចគ្នានេះផងដែរ កាលពីខែធ្នូឆ្នាំមុន គេបានរាយការណ៍ថា Tottenham Hotspur បានបើកការពិភាក្សាជាមួយ Nice លើការចុះហត្ថលេខា Todibo ខណៈដែលក្រុមរបស់លោក Ange Postecoglou ត្រូវការខ្សែការពារថ្មីយ៉ាងចាំបាច់ ព្រោះ Cristian Romero និង Micky van de Ven ទាំងពីរនាក់បានរងរបួស។
ប្រភព: Dailypost NG
-
បាល់ទាត់អន្តរជាតិ2 days ago
Alex Baena បង្ហើបថា ខ្លួនមានក្ដីសុបិនដ៏ធំមួយ ដោយចង់លេងឲ្យក្លឹប Barcelona
-
បាល់ទាត់អន្តរជាតិ1 day ago
ខ្លះៗអំពីការប្រកួតរវាង Bayern Munich និង Real Madrid នៅរំលងអាធ្រាតនេះ!!!
-
បាល់ទាត់អន្តរជាតិ19 hours ago
Vinicius Jr ស៊ុត 2 គ្រាប់ម្នាក់ឯង ជួយ Real Madrid ឲ្យស្មើក្នុងដី Bayern Munich (មានវីដេអូ)