បាល់ទាត់អន្តរជាតិ
វិភាគ៖ តើ Barcelona នឹងប្រើប្រាស់កីឡាកររូបណាខ្លះ សម្រាប់ការប្រកួតទល់នឹង Real Madrid រំលងអាធ្រាតនេះ?
ក្លឹបអ្នកមានបុណ្យ Barcelona កំពុងត្រៀមទទួលបានពានជាលើកដំបូងនៅឆ្នាំថ្មីនេះ ដែលជាពានរង្វាន់ Spanish Super Cup បន្ទាប់ពីពួកគេបានយកឈ្នះ Osasuna ក្នុងវគ្គពាក់កណ្តាលផ្តាច់ព្រ័ត្រ ហើយឥឡូវនេះ Barcelona ត្រូវប្រឈមមុខនឹងគូប្រជែងដ៏លំបាករបស់ពួកគេ ដោយត្រូវតតាំងនឹង Real Madrid។
យ៉ាងណាមិញ ក្លឹបយក្សកាតាឡាន់ កំពុងសម្លឹងរកជោគជ័យនៅក្នុងការប្រកួត El Clasico ដែលត្រូវលេងនៅម៉ោង 2:00 រំលងអាធ្រាតនេះ (ម៉ោងនៅកម្ពុជា) ហើយប្រសិនបើពួកគេអាចយកឈ្នះ Real Madrid បាន នោះពួកគេនឹងកាន់កាប់តំណែងជាក្រុមឈ្នះពាន Spanish Super Cup 2 ឆ្នាំជាប់ៗគ្នា ខណៈដែលកាលពីរដូវកាលមុនពួកគេក៏បានឈ្នះនៅវគ្គផ្ដាច់ព្រ័តទល់នឹង Real Madrid ក្នុងលទ្ធផល 3 ទល់នឹង 1 ផងដែរ។
សម្រាប់ការវិភាគមុនប្រកួត អំពីកីឡាករដែលលោក Xavi Hernandez នឹងប្រើប្រាស់ជាជម្រើសដំបូងនោះមានដូចជា៖
– អ្នកចាំទី៖ Barcelona គ្មានអ្នកចាំទីជម្រើសណាល្អជាង Inaki Pena ឡើយ ស្របពេលដែល Andre Ter Stegen កំពុងមានរបួស។
– ខ្សែការពារ៖ Ronald Araujo នឹងអាចប្ដូរទៅលេងនៅខ្សែការពារស្តាំ ដើម្បីតាមបិទ Vinicius Junior របស់ Real Madrid។ ស្របពេលជាមួយគ្នានោះនឹងផ្លាស់ Jules Kounde ទៅជាខ្សែការពារកណ្តាល ដើម្បីចាប់ដៃគូជាមួយ Andreas Christensen ខណៈដែល Alejandro Balde ជាខ្សែការពារនៅឆ្វេង។ សម្រាប់ João Cancelo អាចនឹងមានឱកាសតិចតួចបំផុត ក្នុងការចូលលេងជាជម្រើសដំបូងរបស់ក្រុមក្នុងការប្រកួតនេះ។
– ខ្សែបម្រើ៖ Pedri ដែលជាកីឡាករសំណព្វចិត្តរបស់លោក Xavi នឹងមានលក្ខណៈសម្បត្តិគ្រប់គ្រាន់ក្នុងការចាប់ផ្តើមប្រកួត។ ខ្សែបម្រើ 2 នាក់ផ្សេងទៀតអាចជា Ilkay Gündogan និង Frenkie de Jong ប៉ុន្តែប្រសិនបើ Xavi ខ្លាច Pedri ដែលទើបនឹងជាពីរបួស មានបញ្ហាទៀត គាត់នឹងប្រើប្រាស់ Sergi Roberto ជំនួសវិញ។
– ខ្សែប្រយុទ្ធ៖ ការរងរបួសសរសៃពួររបស់ Raphinha មានន័យថា Ferran Torres និង Robert Lewandowski គឺជាបេក្ខភាពដំបូងនៃការចាប់ផ្តើមប្រកួត ដោយ Ferran Torres នឹងលេងនៅកន្លែងដែលគាត់ពេញចិត្ត គឺប្រយុទ្ធស្លាបស្តាំ ហើយ Joao Felix លេងនៅប្រយុទ្ធស្លាបឆ្វេង ស្របពេលដែល Lamine Yamal អាចជាបេក្ខភាពបម្រុងដូចការប្រកួតវគ្គពាក់កណ្ដាលផ្ដាច់ព្រ័តដែរ។
ប្រភព: Barcablaugranes
បិសាចក្រហម កំពុងពិចារណាចង់ចុះហត្ថលេខាលើ Joselu
Premier League ត្រៀមតេស្តសាកល្បងបំពាក់កាមេរ៉ាលើអាជ្ញាកណ្ដាលនៅក្នុងការប្រកួតរបស់បិសាចក្រហមរំលងអាធ្រាតនេះ!!!
ប្រធានក្លឹប Barcelona ខឹងខ្លាំង ក្រោយក្រុមរបស់ខ្លួនចាញ់ Girona 4-2
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
