បាល់ទាត់អន្តរជាតិ
De Bruyne ប្ដូរចូល 20 នាទីចុងក្រោយ ជួយឲ្យ Man City វាយបកយកឈ្នះ Newcastle 3-2
ខ្សែបម្រើ Kevin De Bruyne បានក្លាយជាតួអង្គដ៏សំខាន់ បន្ទាប់ពីវិលត្រឡប់មកកាន់ទីលានវិញ ក្រោយខកខានការប្រកួតមួយរយៈដោយសាររបួស។ កីឡាករឆ្នើមរូបនេះ បានប្ដូរចូលនៅនាទីទី 70 ក្នុងការប្រកួតក្របខ័ណ្ឌ Premier League អំឡុងពេលដែល Man City ត្រូវបាន Newcastle នាំមុខមុន 2-1។
ទោះជាយ៉ាងណាក៏ដោយ Kevin De Bruyne បានផ្លាស់ប្ដូរវាសនាទាំងស្រុងសម្រាប់ក្រុមរបស់ខ្លួន ដោយស៊ុតបាល់បញ្ចូលទីបាន 1 គ្រាប់ និង Assist 1 ខណៈដែល Manchester City បានបញ្ចប់ទៅដោយទទួលបានជ័យជម្នះ 3-2 លើក្រុមម្ចាស់ផ្ទះ Newcastle United។
លទ្ធផលនេះបានធ្វើឲ្យ Man City ឡើងទៅឈរនៅចំណាត់ថ្នាក់លេខ 2 បណ្ដោះអាសន្ន ក្នុងតារាង Premier League ដោយមាន 43 ពិន្ទុ និងដេញតាមពីក្រោយក្រុមកំពូលតារាង Liverpool ត្រឹមតែ 2 ពិន្ទុប៉ុណ្ណោះ។ ដោយឡែកសម្រាប់ Newcastle បន្ទាប់ពីបរាជ័យ ពួកគេបានធ្លាក់ទៅស្ថិតនៅលេខរៀងទី 10 ដោយមាន 29 ពិន្ទុ ស្របពេលដែលទម្រង់លេងក្រុមរបស់ពួកគេកំពុងធ្លាក់ចុះ ហើយក៏មានកីឡាករសំខាន់ៗបានរងរបួសផងដែរ។
ប្រភព: Sportsmole
បិសាចក្រហម កំពុងពិចារណាចង់ចុះហត្ថលេខាលើ Joselu
Premier League ត្រៀមតេស្តសាកល្បងបំពាក់កាមេរ៉ាលើអាជ្ញាកណ្ដាលនៅក្នុងការប្រកួតរបស់បិសាចក្រហមរំលងអាធ្រាតនេះ!!!
ប្រធានក្លឹប Barcelona ខឹងខ្លាំង ក្រោយក្រុមរបស់ខ្លួនចាញ់ Girona 4-2
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
