បាល់ទាត់អន្តរជាតិ
Mohamed Salah រងរបួសក្នុងអំឡុងពេលបំពេញភារកិច្ចជាមួយក្រុមជម្រើសជាតិអេហ្ស៊ីប
ខ្សែប្រយុទ្ធ Mohamed Salah របស់ក្លឹបហង្សក្រហម Liverpool បានរងរបួសអំឡុងពេលប្រកួតក្នុងវគ្គចែកពូល Afcon Cup របស់អេហ្ស៊ីបទល់នឹងហ្គាណា កាលពីល្ងាចម្សិលមិញនេះ។ ខ្សែប្រយុទ្ធស្លាបរូបនេះ បានប្ដូរចេញនៅចុងតង់ទី 1 ដោយលេងបានរយៈពេលត្រឹមតែជាង 40 នាទីប៉ុណ្ណោះ។
កីឡាករវ័យ 31 ឆ្នាំរូបនេះបានដើរចេញពីទីលាន មុនពេលអាជ្ញាកណ្ដាលផ្លុំបញ្ចែបញ្ចប់តង់ទី 1 ខណៈដែល Mohammed Kudus បានស៊ុតបញ្ចូលទីឲ្យហ្គាណានាំមុខអេហ្ស៊ីប ដោយលទ្ធផល 1 ទល់នឹង 0។ ទោះជាយ៉ាងណាក៏ដោយ អេហ្ស៊ីបបានវាយបកតាមស្មើវិញ ដែលជាការស៊ុតបញ្ចូលទីរបស់ Omar Marmoush នៅដើមតង់ទី 2 នាទី 69។
មិនយូរប៉ុន្មានក្រុមជម្រើសជាតិហ្គាណា បាននាំមុខជាថ្មីម្ដងទៀតដោយលទ្ធផល 2-1 បន្ទាប់ពី Mohammed Kudus បានស៊ុតបញ្ចូលទីថែម 1 គ្រាប់ទៀត។ លទ្ធផលនេះមិនអាចរក្សារហូតដល់ចប់ការប្រកួតឡើយ ហើយ 3 នាទីក្រោយមក Mostafa Mohamed រកបាន 1 គ្រាប់ ដើម្បីឲ្យអេហ្ស៊ីប តាមស្មើ 2-2 រហូតដល់ចប់ការប្រកួតតែម្ដង។
អេហ្ស៊ីប នឹងត្រូវប៉ះជាមួយសាធារណរដ្ឋ Cabo Verde ក្នុងការប្រកួតចុងក្រោយក្នុងពូល B របស់ពួកគេនៅថ្ងៃចន្ទ ដើមសប្ដាហ៍ក្រោយ ហើយបន្ទាប់មកអេហ្ស៊ីបអាចនឹងចូលរួមក្នុងការប្រកួតជម្រុះនៅថ្ងៃទី 27 ខែមករា ប្រសិនបើពួកគេអាចឆ្លងផុតវគ្គចែកពូល។
ជាមួយគ្នានោះដែរ តារាឆ្នើម និងជាកាពីតែនក្រុម Mohamed Salah បានរងរបួស ដែលនេះមិនត្រឹមតែជាកង្វល់របស់ក្រុមជម្រើសជាអេហ្ស៊ីបប៉ុណ្ណោះទេ តែ Liverpool ក៏មានក្ដីកង្វល់ផងដែរ ដោយពួកគេបានបាត់បង់តារាឆ្នើមរូបនេះ អស់មួយរយៈពេលធំមកហើយ។
ប្រភព: Sportsmole
កំពុងឡើងជើងខ្លាំង និងត្រូវបានក្លឹបធំៗចាប់អារម្មណ៍ផងនោះ កីឡាកររូបនេះបែរជាត្រូវសម្រាកពីបាល់ទាត់រយៈពេល 1 ឆ្នាំ
Inter Miami កំពុងចរចាផ្ទេរមិត្តរួមក្រុមជម្រើសជាតិអាហ្សង់ទីនរបស់ Messi
Michael Owen អះអាងថា រវាង Real Madrid និង Bayern Munich នឹងមានមួយក្រុម ដែលឈ្នះពាន UCL រដូវកាលនេះ!!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
