បាល់ទាត់អន្តរជាតិ
Kyle Walker ប្រាប់ឈ្មោះខ្សែប្រយុទ្ធឆ្នើមមួយរូប ដែលខ្លួនចង់លេងជាមួយ
ថ្មីៗនេះនៅក្នុងកម្មវិធីសម្ភាសន៍មួយរបស់ FIFPRO ខ្សែការពារឆ្នើម Kyle Walker បានប្រាប់ឈ្មោះខ្សែប្រយុទ្ធមួយរូបដែលគាត់ប្រាថ្នាចង់លេងជាមួយ។ កីឡាករសញ្ជាតិអង់គ្លេសរូបនេះ បានលើកយកឈ្មោះ Lionel Messi ដែលជាតារាបាល់ទាត់របស់ក្លឹប Inter Miami ថាជាកីឡាករដែលខ្លួនចង់ក្លាយជាមិត្តរួមក្រុមនឹងគ្នា។
Kyle Walker បាននិយាយទៅកាន់កិច្ចសម្ភាសន៍របស់ FIFPRO ថា៖ “កីឡាករដែលខ្ញុំចង់លេងជាមួយ? ខ្ញុំគិតថា ត្រូវតែជា Lionel Messi។ Pep Guardiola បាននិយាយអំពីគាត់ ភាពអស្ចារ្យរបស់គាត់នៅលើទីលាន។ ខ្ញុំក៏បាននិយាយជាមួយ Julian Alvarez អំពីគាត់ (Messi) និងអ្វីដែលគាត់អាចនាំយកមកសម្រាប់ក្រុមផងដែរ…”។
គួរដឹងផងដែរថា សម្រាប់ខ្សែការពារស្ដាំ Kyle Walker គាត់ធ្លាប់បានលេងតទល់ជាច្រើនលើកជាមួយ Lionel Messi ប៉ុន្តែមិនធ្លាប់បានលេងជាមិត្តរួមក្រុមនឹងគ្នានោះទេ ហើយក៏មិនដែលលេងក្នុងលីគកំពូលជាមួយគ្នាដែរ ខណៈដែលកីឡាករវ័យ 33 ឆ្នាំរូបនេះប្រកបអាជីពតែនៅក្នុងលីគកំពូលនៃប្រទេសកំណើតរបស់ខ្លួន Premier League ប៉ុណ្ណោះ។
ប្រភព: FIFPRO