បាល់ទាត់អន្តរជាតិ
Arsenal បញ្ជូនអ្នកសង្កេតការណ៍របស់ខ្លួនឲ្យទៅមើលទម្រង់លេងរបស់ Xavi Simons
យោងតាមសេចក្ដីរាយការណ៍ចុងក្រោយមួយ បានឲ្យដឹងថា ក្លឹបកាំភ្លើងធំ Arsenal បានបញ្ជូនអ្នកសង្កេតការណ៍របស់ខ្លួនឲ្យទៅមើលពីទម្រង់លេងរបស់កីឡាករក្លឹប Paris Saint-Germain គឺខ្សែប្រយុទ្ធ Xavi Simons ដែលបច្ចុប្បន្នកំពុងខ្ចីជើងទៅទឹកដីអាឡឺម៉ង់ជាមួយ RB Leipzig។
កីឡាករវ័យ 20 ឆ្នាំរូបនេះមានភាពលេចធ្លោរជាខ្លាំង សម្រាប់ការប្រកួតប្រជែងនៅរដូវកាលមុន 2022-2023 ដែលគាត់បានខ្ចីជើងទៅក្លឹប PSV Eindhoven ដោយស៊ុតបញ្ចូលទីបាន 22 គ្រាប់ និង Assists 12 ដង ក្នុងការបង្ហាញខ្លួនសរុប 48 ប្រកួត។ យ៉ាងណាកាលពីដើមរដូវកាលនេះ PSG បានបន្តឲ្យគាត់ខ្ចីជើងទៅ RB Leipzig ហើយខ្សែប្រយុទ្ធសញ្ជាតិហូឡង់រូបនេះ នៅតែមានភាពលេចធ្លោរដដែល ខណៈដែលបច្ចុប្បន្ន គាត់បានរួមចំណែកជាមួយការស៊ុតបញ្ចូលទីចំនួន 7 គ្រាប់ និង Assists 9 ដង ក្នុងការបង្ហាញខ្លួន 29 ប្រកួត។
Xavi Simons បានក្លាយជាចំណែកមួយដ៏សំខាន់ដែលធ្វើឲ្យ RB Leipzig ឡើងមកកាន់កាប់តំណែងលេខ 4 ក្នុងតារាង Bundesliga នៅពេលនេះ។ ស្របពេលជាមួយនឹងទម្រង់លេងរបស់ខ្សែប្រយុទ្ធរូបនេះកំពុងលេចធ្លោរខ្លាំងនោះ Arsenal ត្រូវបានគេដឹងថា គឺជាក្លឹបមួយក្នុងចំណោមក្លឹបជាច្រើនទៀតដែលចង់បាន Xavi Simons។
ដោយឡែកនៅពេលនេះ ពត៌មានច្បាស់ការណ៍បានបង្ហាញឲ្យដឹងថា Arsenal កំពុងត្រៀមគោលដៅចរចាជាមួយ PSG សម្រាប់ការចុះហត្ថលេខាលើ Simons។ ក្លឹបកាំភ្លើងធំ ក៏ទើបនឹងបានបញ្ជូនអ្នកសង្កេតការណ៍របស់ខ្លួនឲ្យទៅមើលកីឡាករលេចធ្លោរមួយចំនួននៅ Bundesliga កាលពីពេលថ្មីៗនេះ ហើយក្នុងនោះរួមមានទាំង Xavi Simons ផងដែរ។
ប្រភព: Sportsmole
-
បាល់ទាត់អន្តរជាតិ2 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ2 days ago
បញ្ហាថ្មីមួយកំពុងប្រឈមខ្លាំងនៅ Premier League ដោយកីឡាករជាច្រើនចាប់ផ្ដើមប្រើប្រាស់ថ្នាំជក់គ្មានផ្សែង
-
បាល់ទាត់អន្តរជាតិ2 days ago
Pep Guardiola កំពុងពិចារណាលើអនាគតរបស់ Joao Cancelo