បាល់ទាត់អន្តរជាតិ
Barcelona កំពុងពិចារណាលើលទ្ធភាពនៃការនាំយកលោក Hansi Flick មកធ្វើជាគ្រូបង្វឹកថ្មីរបស់ខ្លួន
ក្លឹបអ្នកមានបុណ្យ Barcelona ត្រូវបានគេរាយការណ៍ថា បានចាប់អារម្មណ៍ក្នុងការតែងតាំងលោក Hansi Flick ជាគ្រូបង្វឹកថ្មីរបស់ពួកគេនៅរដូវកាលក្រោយ។ កាលពីចុងសប្តាហ៍មុន Xavi បានប្រកាសពីចេតនារបស់គាត់រួចហើយផងដែរ ក្នុងការចាកចេញពីតួនាទីរបស់ខ្លួន នៅចុងបញ្ចប់នៃរដូវកាលនេះ។
ការសម្រេចចិត្តរបស់គ្រូបង្វឹកសញ្ជាតិអេស្ប៉ាញលោក Xavi Hernandez បានកើតឡើងបន្ទាប់ពី Barcelona បានចាញ់ក្នុងលទ្ធផល 5-3 នៅក្នុងដីខ្លួនឯង ក្រោមស្នាដៃក្រុម Villarreal ហើយធ្វើឲ្យពួកគេមានគម្លាតកាន់តែឆ្ងាយពីក្រុមកំពូលតារាង Girona ចំនួន 11 ពិន្ទុ ក្នុងតារាង La Liga។
ក្រោយប្រកាសពីគម្រោងចាកចេញរបស់ Xavi Hernandez មានគ្រូបង្វឹកជាច្រើនបានផ្សារភ្ជាប់ជាមួយនឹងការទៅដឹកនាំនៅ Barcelona។ ដោយឡែក ពេលនេះយោងទៅតាមអ្នកកាសែត BILD លោក Christian Falk បានឲ្យដឹងថា ប្រធានក្លឹបលោក Joan Laporta កំពុងមានចំណាប់អារម្មណ៍លើអតីតគ្រូបង្វឹករបស់ក្លឹប Bayern Munich និងក្រុមជម្រើសជាតិអាឡឺម៉ង់គឺលោក Hansi Flick។ គ្រូបង្វឹកវ័យ 58 ឆ្នាំរូបនេះបច្ចុប្បន្នកំពុងសម្រាកពីការងារ បន្ទាប់ពីត្រូវបានបណ្ដេញចេញពីតំណែងជាគ្រូបង្វឹកក្រុមជម្រើសជាតិអាឡឺម៉ង់។
ប្រភព: Sportsmole
-
បាល់ទាត់អន្តរជាតិ2 days ago
Al-Hilal គ្រងតំណែងក្លាយជាម្ចាស់ពានជើងឯកលីគអារ៉ាប៊ីសាអូឌីតប្រចាំឆ្នាំ 2024
-
បាល់ទាត់អន្តរជាតិ16 hours ago
Richarlison អាចនឹងចាកចេញទៅអារ៉ាប៊ីសាអូឌីត នៅរដូវក្ដៅនេះ!!!
-
បាល់ទាត់អន្តរជាតិ3 days ago
ក្លឹបធំៗជាច្រើន កំពុងចាប់អារម្មណ៍លើខ្សែការពារប្រេស៊ីលវ័យ 17 ឆ្នាំ