បាល់ទាត់អន្តរជាតិ
Bayern Munich ប្រកាសពីការចុះហត្ថលេខាលើខ្សែប្រយុទ្ធស្លាបដ៏មានទេពកោសល្យរបស់ក្លឹប Granada
មុនពេលទីផ្សារដោះដូរកីឡាករនាខែមករាដើមឆ្នាំនេះបិទទ្វារ ក្លឹបយក្សរបស់អាឡឺម៉ង់ Bayern Munich បានចុះហត្ថលេខាបានសម្រេចលើកីឡាករដ៏មានទេពកោសល្យមួយរូបពីទឹកដីអេស្ប៉ាញ គឺខ្សែប្រយុទ្ធស្លាប Bryan Zaragoza ដែលជាកីឡាកររបស់ក្លឹប Granada។
ដំបូងឡើយកីឡាករឆ្នើមរូបនេះត្រូវបានគិតថា នឹងចូលរួមជាមួយក្លឹប Bayern Munich នៅរដូវក្តៅឆ្នាំ 2024 (ចុងបញ្ចប់នៃរដូវកាលនេះ)។ ប៉ុន្តែដោយសារភាពបន្ទាន់របស់ Bayern Munich ពួកគេបានសម្រេចចិត្តនាំយកគាត់ទៅអាឡឺម៉ង់ពាក់កណ្ដាលរដូវកាលនេះទៅតែម្ដង។
ដោយឡែក ចាប់ពីពេលនេះដល់ចុងបញ្ចប់នៃរដូវកាល Bryan Zaragoza គឺជាកីឡាករដែលស្ថិតក្នុងលក្ខខណ្ឌខ្ចីជើងពី Granada តែបន្ទាប់ពីចប់រដូវកាលទៅ គាត់នឹងក្លាយជាកីឡាករពេញសិទ្ធិរបស់ក្លឹប Bayern Munich ជាមួយនឹងកុងត្រាដែលមានសុពលភាពរហូតដល់ថ្ងៃទី 30 ខែ មិថុនា ឆ្នាំ 2029។ គេបានដឹងថា តម្លៃខ្លួននៃការចុះហត្ថលេខាលើ Bryan Zaragoza មានចំនួន 13 លានអឺរ៉ូ។
ប្រភព: Telecomasia