បាល់ទាត់អន្តរជាតិ
លេចលឺដំណឹងថា Bayern Munich ធ្លាប់បានចាប់អារម្មណ៍លើខ្សែប្រយុទ្ធស្លាប Mykhailo Mudryk
ក្នុងអំឡុងពេលនៃទីផ្សារដោះដូរកីឡាករនារដូវរងារនេះ Bayern Munich បានបង្ហាញចំណាប់អារម្មណ៍របស់ខ្លួនលើខ្សែប្រយុទ្ធស្លាបរបស់ក្លឹបតោខៀវ Chelsea គឺកីឡាករ Mykhailo Mudryk។ ក្លឹបយក្សរបស់អាឡឺម៉ង់ បានចាប់អារម្មណ៍លើកីឡាករសញ្ជាតិអ៊ុយក្រែនរូបនេះ បន្ទាប់ពីការរងរបួសជង្គង់ធ្ងន់ធ្ងររបស់ខ្សែប្រយុទ្ធ Kingsley Coman (នេះបើផ្អែកតាមរបាយការណ៍ពី The Athletic)។
ទោះជាយ៉ាងណាក៏ដោយ ចុងក្រោយក្លឹបម្ចាស់ជើងឯកអាឡឺម៉ង់បានសម្រេចចិត្តជ្រើសរើសជម្រើសផ្ទេរ Bryan Zaragoza ពី Granada ជំនួសឲ្យការផ្ទេរ Mykhailo Mudryk វិញ។ ខ្សែប្រយុទ្ធស្លាប Bryan Zaragoza បានចូលរួមជាមួយ Bayern Munich ក្នុងលក្ខខណ្ឌខ្ចីជើងរយៈពេលពាក់កណ្ដាលរដូវកាល មុនផ្ទេរជាអចិន្ត្រៃយ៍នៅចុងបញ្ចប់នៃរដូវកាលនេះ។
ដោយឡែក Mykhailo Mudryk មិនមែនជាខ្សែប្រយុទ្ធដែលមានទម្រង់លេងលេចធ្លោរតាមការរំពឹងទុករបស់ Chelsea នោះឡើយ ដោយគិតចាប់តាំងពីពេលដែលគាត់ផ្ទេរពីក្លឹប Shakhtar Donetsk ក្នុងតម្លៃ 89 លានផោន កាលពីខែមករា ឆ្នាំ 2023 មក Mudryk បានរួមចំណែកស៊ុតបញ្ចូលទីបាន 4 គ្រាប់ និង Assists 4 ដងប៉ុណ្ណោះ ក្នុងការបង្ហាញខ្លួនសរុប 41 ប្រកួត។
ប្រភព: Dailysports
កំពុងឡើងជើងខ្លាំង និងត្រូវបានក្លឹបធំៗចាប់អារម្មណ៍ផងនោះ កីឡាកររូបនេះបែរជាត្រូវសម្រាកពីបាល់ទាត់រយៈពេល 1 ឆ្នាំ
Inter Miami កំពុងចរចាផ្ទេរមិត្តរួមក្រុមជម្រើសជាតិអាហ្សង់ទីនរបស់ Messi
Michael Owen អះអាងថា រវាង Real Madrid និង Bayern Munich នឹងមានមួយក្រុម ដែលឈ្នះពាន UCL រដូវកាលនេះ!!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
