បាល់ទាត់អន្តរជាតិ
Juventus ចាប់អារម្មណ៍ក្នុងការចុះហត្ថលេខាផ្ទេរ Jadon Sancho
ក្លឹបសេះបង្កង់ Juventus ត្រូវបានគេរាយការណ៍ថា មានបំណងក្នុងការនាំយក Jadon Sancho ពី Manchester United នៅក្នុងអំឡុងទីផ្សារដោះដូរកីឡាករនាខែមករាខាងមុខ។ អតីតកីឡាកររបស់ក្លឹប Borussia Dortmund រូបនេះ បច្ចុប្បន្នកំពុងស្ថិតនៅក្រៅបញ្ជីឈ្មោះរបស់ក្រុម អស់រយៈពេលជាងមួយខែហើយ បន្ទាប់ពីមានរឿងរ៉ាវរកាំរកូសជាមួយគ្រូបង្វឹកលោក Erik ten Hag។
Sancho ស្ថិតនៅក្រោមកុងត្រានៅ Old Trafford រយៈពេលបីរដូវកាលទៀត ប៉ុន្តែជាមួយនឹងបញ្ហាដែលមិនអាចដោះស្រាយបាននោះ ការចាកចេញនៅចុងបញ្ចប់នៃរដូវកាលនេះ ហាក់ដូចជាជៀសមិនផុតឡើយ។ អតីតក្លឹបចាស់ Borussia Dortmund ធ្លាប់បានគេនិយាយថា ចង់ចុះហត្ថលេខានាំយក ខ្សែប្រយុទ្ធរូបនេះទៅវិញ ប៉ុន្តែពួកគេកំពុងសង្ស័យពីសមត្ថភាពលេងរបស់ Jadon Sancho ដែលមិនមានលេចធ្លោរដូចពីមុន។
ថ្មីៗនេះយោងតាមកាសែត The Sun បានឲ្យដឹងថា ក្លឹបយក្សអ៊ីតាលី Juventus ចង់នាំយកកីឡាករវ័យ 23 ឆ្នាំរូបនេះទៅទឹកដី Serie A នៅពាក់កណ្តាលរដូវកាលនេះ ដែលក្នុងលក្ខខណ្ឌខ្ចីជើង ហើយបន្តមកទៀតនៅចុងបញ្ចប់នៃរដូវកាល ពួកគេនឹងផ្ដល់ឲ្យ Manchester United ជាមួយនឹងតម្លៃទិញផ្ដាច់កុងត្រា 60 លានផោន។
ប្រភព: Sportsmole
Barcelona កំពុងសម្លឹងមើលជម្រើសនៃការចុះហត្ថលេខាលើខ្សែបម្រើកណ្ដាល Thomas Partey
Barcelona និង Atletico Madrid ចាប់អារម្មណ៍លើខ្សែបម្រើសញ្ជាតិអាមេរិក ដែលកំពុងឡើងជើងខ្លាំង
រឿងរ៉ាវប្លែកៗទាំង 7 យ៉ាង ដែលអ្នកទាំងអស់គ្នាមិនធ្លាប់ដឹងពី Marco Reus
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
