បាល់ទាត់អន្តរជាតិ
Inter Miami ត្រៀមចុះហត្ថលេខាលើកូនប្រុសអតីតកីឡាករម្នាក់របស់ក្លឹប Real Madrid
ក្លឹប Inter Miami ត្រូវបានគេដឹងថា កំពុងឈានដល់ចំណុចសម្រេចបាននៃការចុះហត្ថលេខាលើខ្សែបម្រើការពារ Federico Redondo ហើយ។ យ៉ាងណាមិញ កីឡាករវ័យ 21 ឆ្នាំរូបនេះ គឺជាសមាជិកនៃក្រុមជម្រើសជាតិយុវជនអាហ្សង់ទីន និងកំពុងប្រកបអាជីពជាមួយក្លឹប Argentinos Juniors។
យោងតាមរបាយការណ៍ពីលោក Fabrizio Romano បានអះអាងថា ក្លឹប Inter Miami ដែលស្ថិតនៅលីគកំពូលនៃសហរដ្ឋអាមេរិក (MLS) នឹងចំណាយប្រាក់ 8 លានអឺរ៉ូ សម្រាប់ការចុះហត្ថលេខាលើខ្សែបម្រើកណ្តាលវ័យ 21 ឆ្នាំរូបនេះ។ លើសពីនេះទៀតក្លឹប Argentinos Juniors របស់ Federico Redondo នឹងទទួលបានប្រាក់ 15% បន្ថែមទៀត ប្រសិនបើ Inter Miami លក់គាត់ចេញទៅឲ្យក្លឹបផ្សេងនាពេលអនាគត។
គេបានដឹងថា Inter Miami ទទួលបានជោគជ័យក្នុងការផ្ទេរ Redondo ខណៈដែល Bayern Munich, Wolfsburg និងក្លឹប River Plate ក៏ចាប់អារម្មណ៍កីឡាករវ័យក្មេងរូបនេះដែរ។ ដោយឡែក Federico Redondo គឺជាកូនប្រុសបង្កើតរបស់អតីតខ្សែបម្រើក្លឹប Real Madrid គឺលោក Fernando Redondo ដែលបានលេងឲ្យ Real Madrid រយៈពេល 6 ឆ្នាំ និងបានចំណាយពេល 4 ឆ្នាំជាមួយ AC Milan។
ប្រភព: Dailysports
-
បាល់ទាត់អន្តរជាតិ2 days ago
ជាប់ពិន័យមិនឲ្យលេងបាល់ទាត់ ពេលនេះ Paul Pogba ត្រៀមបង្ហាញខ្លួនក្នុងខ្សែភាពយន្តថ្មីមួយ
-
បាល់ទាត់អន្តរជាតិ1 day ago
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
-
បាល់ទាត់អន្តរជាតិ2 days ago
West Ham United ប្រកាសពីការចែកផ្លូវគ្នាជាមួយ David Moyes នាចុងបញ្ចប់នៃរដូវកាលនេះ