បាល់ទាត់អន្តរជាតិ
Bayern Munich បញ្ចេញសារថ្កោលទោសចំពោះអ្នករើសអើងពូជសាសន៍លើ Upamecano
ក្លឹប Bayern Munich បានថ្កោលទោសចំពោះការរំលោភបំពានរើសអើងពូជសាសន៍លើខ្សែការពារ Dayot Upamecano របស់ខ្លួន។ ក្លឹបយក្សរបស់អាឡឺម៉ង់ បានបញ្ចេញសារនៃការថ្កោលទោសនេះ បន្ទាប់ពីការប្រកួតដែលពួកគេបានចាញ់ក្នុងដីរបស់ Lazio ដោយលទ្ធផល 1-0 ដែលជាការប្រកួតជើងទី 1 នៃក្របខណ្ឌ UEFA Champions League វគ្គ 16 ក្រុមចុងក្រោយ។
ងាកមកមើលការប្រកួតរវាង Bayern Munich និង Lazio កាលពីរំលងអាធ្រាតយប់មិញនេះ បន្ទាប់ពីបញ្ចប់តង់ទី 1 ដោយគ្មានគ្រាប់បាល់កើតឡើងនោះ Upamecano បានបង្ករកំហុសនៅពាក់កណ្តាលតង់ទី 2 ខណៈដែលគាត់ត្រូវបានពិន័យកាតក្រហម ដោយខ្សែការពាររូបនេះបានជាន់ជើង Gustav Isaksen ក្នុងតំបន់គ្រោះថ្នាក់។
ជាលទ្ធផល Lazio បានទទួលបាល់ពិន័យស៊ុតបញ្ចូលទី 1 គ្រាប់ជ័យជំនះ ស្របពេលដែល Upamecano ក៏ជាប់កាតក្រហមមិនអាចបង្ហាញខ្លួននៅក្នុងការប្រកួតជើងទីពីរបានផងដែរ។ មិនយូរប៉ុន្មានបន្ទាប់ពីចប់ការប្រកួត Upamecano ត្រូវបានគេនិយាយអំពីការរើសអើងជាតិសាសន៍ទៅលើខ្លួន នៅលើប្រព័ន្ធផ្សព្វផ្សាយសង្គម។
ដើម្បីទប់ស្កាលបញ្ហានេះមិនឲ្យរីករាលដាលកាន់តែខ្លាំង ក្លឹបយក្សរបស់អាឡឺម៉ង់ បានចេញសេចក្តីថ្លែងការណ៍មួយនៅលើ X ថា៖ “Bayern Munich សូមថ្កោលទោសយ៉ាងដាច់អហង្ការចំពោះមតិរើសអើងជាតិសាសន៍ដែលសម្ដៅទៅលើ Dayot Upamecano នៅលើប្រព័ន្ធផ្សព្វផ្សាយសង្គម។ អ្នកណាក៏ដោយដែលបញ្ចេញមតិជាពាក្យសម្តី ដ៏គួរឲ្យស្អប់ខ្ពើមបែបនេះមិនមែនជាអ្នកគាំទ្រក្លឹបរបស់យើងទេ។ យើងទាំងអស់គ្នា នឹងឈរនៅពីក្រោយអ្នក Upamecano!”។
ប្រភព: Sportsmole
កំពុងឡើងជើងខ្លាំង និងត្រូវបានក្លឹបធំៗចាប់អារម្មណ៍ផងនោះ កីឡាកររូបនេះបែរជាត្រូវសម្រាកពីបាល់ទាត់រយៈពេល 1 ឆ្នាំ
Inter Miami កំពុងចរចាផ្ទេរមិត្តរួមក្រុមជម្រើសជាតិអាហ្សង់ទីនរបស់ Messi
Michael Owen អះអាងថា រវាង Real Madrid និង Bayern Munich នឹងមានមួយក្រុម ដែលឈ្នះពាន UCL រដូវកាលនេះ!!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
